Hoxe visitei a Sevi Martínez e Beatriz Manjón en A Solaina co gallo da proximidade da Noite de Reis, para falar do que serán algúns dos agasallos máis habituais, os videoxogos:

Pasámolo bastante ben, e aínda que quedaron moitas cousas no tinteiro, gustaríame facer algúns apuntamentos para quen pille algún agasallo de última hora:
- A Nintendo 3DS é un agasallo caralludo este ano, pois aínda son poucos os que teñen a consola e comeza a ter un catálogo de xogos moi sólido. O meu xogo favorito para a consola é o Super Mario 3D Land, pero o Mario Kart 7, o The Legend of Zelda: Ocarina of Time e Street Fighter IV 3D Edition tamén son uns xogazos (es estes 2 últimos poden atoparse a prezos de ganga tirando de importación).
- Os trebellos como o iPod Touch ou o Samsung Galaxy S WiFi 3.6 (coido que o teñen de oferta en El Corte Inglés) están moi ben para os rapaces que piden un smartphone coma tolos, pois achégalles xusto o que querían do dispositivo, sen asumir compromisos de permanencia coas operadoras, aínda que para moitos haberá unha alternativa que tamén resultará moi atractiva: Tú. Falo o Operador Móbil Virtual de Tuenti, que ten móbiles en prepagamento bastante interesantes por xuntar prestacións avanzadas cun prezo moi atractivo.
- Para os que queiran un tablet, e o iPad 2 parézalles moi caro, unha das poucas alternativas que recomendaría sería o ARCHOS 80 G9, por ser un tablet con Android 3.2 (os que veñen con Android 2.x non achegan unha boa experiencia de uso) e un prezo bastante axustado (249 euros). Tamén hai a opción de adquirir tablets de grande marcas a prezos moi atractivos, xa que nas últimas semanas están a saldar moitos ante as dificultades de competir co iPad (pois coincidían en rango de prezos), pero nese caso eu optaría por agardar unhas semanas, pois están a chegar os primeiros tablets con Android 4.0, o que podería tirar os prezos dos que veñen con Android 3.x.

Para quen desexe agasallar por videoxogos para as consolas de videoxogos domésticas e ordenadores, diríalle que os xogos de referencia deste ano poderían ser:
- Para PC: Battlefield 3 (o xogo de guerra en rede definitivo para moitos), Football Manager 2012 (o herdeiro do PC Fútbol) e Star Wars: The Old Republic (para frikis que gusten de xogar en rede).
- Para PlayStation 3: Call of Duty: Modern Warfare 3 (tópico pero efectivo), FIFA 12 (por fin os xogadores caeron da burra e pasaron do Pro Evolution Soccer) e Uncharted 3: La Traición de Drake (que aínda que é peor que Uncharted 2 segue a ser un xogazo).
- Para Xbox 360: o Modern Warfare 3 e o FIFA 12 tamén funcionan ben na consola de Microsoft; entre os amantes do motor arrasa o Forza Motorsport 4, para os que teñan Kinect é un flipe o Dance Central 2 e para os que gusten de pegar tiros en rede está de pinga o Gears of War 3.
- Para Wii: o xogo estrela é o The Legend of Zelda: Skyward Sword (posiblemente o mellor xogo da historia para a consola de Nintendo), o imprescindible para roleiros é o Xenoblade Chronicles (que tamén pode mercarse cun mando vermello, o que mellora o seu atractivo como agasallo) e para as festas está a arrasar o Just Dance 3 que recomendo simplemente polo feito de incluír como tema Let’s Go To The Mall de Robin Sparkles:

E, para quen teña dúbidas, engadir que o xogo Batman: Arkham City é unha pasada en PC, Xbox 360 e PlayStation 3. Imprescindible para quen gozase do Batman: Arkham Asylum e sen dúbida o mellor xogo baseado nun personaxe de cómic que se fixo nunca.

Onte entregáronse en Compostela os VIII Premios EGANET, convocatoria á que concorreron 74 empresas, entidades e profesionais cun total de 192 candidaturas, o que serviu de escaparate do sector tecnolóxico galego, recoñecendo traballos como a campaña Mátalos de risa con Kill Paff, a aplicación BayDICOM Media de Bahía Software, o servizo de ofertas BuyDeal de Elo Technologies, o proxecto emprendedor Trileuco Solutions (responsable de LetsLearnTV), a empresa con sede viguesa Elogia e á iniciativa social da Fundación Foltra.

Pero entre os recoñecementos da xornada gustei especialmente dos que foron a parar ás empresas socias de EGANET que levan cando menos unha década en activo (Abertal Networks, Ceo Aberto, Elogia, Igalia, Infonet, Infoweb Galicia, Iterdata Networks, MIP Configuraciones Informáticas e Teaxul). Iso fíxome lembrar aos primeiros tempos da Asociación, que tiven a fortuna de vivir de preto.

Tampouco faltaron as autoridades no evento, tanto da Xunta de Galicia como de distintas asociacións profesionais, o que demostra que o sector, pese ao que pode parecer nalgunhas ocasións, está cohesionado e cada vez máis interrelacionado.

Pero unha das mellores cousas da gala de entrega de premios foi poder compartir a experiencia con Susana Alvite (Hexis Comunicación), quen fixo un traballo excelente presentando a cerimonia. Tamén gustaríame agradecer á xunta directiva de EGANET por convidarme este ano a participar tanto da gala coma do xurado. Foi unha honra e un pracer, así como unha excelente oportunidade para atopar a moitos amigos xuntos, o que sempre está ben, e que promete repetirse o último venres de xaneiro co segundo aniversario da LaconNetwork. ¡Espérovos alí!

ACTUALIZACIÓN (6-2-2012): O acto pode verse resumido en vídeo:

Onte quedei impresionado polo poder de concatoria acadado polo MobileCONGalicia, encontro de desenvolvedores de aplicacións para dispositivos móbiles que congregou baixo o mesmo teito a uns 170 profesionais. Todos con ganas de emprender e compartir coñecemento, e que celebrouse no Edificio CERSIA de Santiago de Compostela, grazas en boa medida á colaboración da Concellaría de Turismo, Economía e Mercados da cidade, dirixida por Reyes Leis, a quen foi toda unha sorpresa para min ver alí (coincidira con ela durante a miña etapa en Correo TV).

A organización foi cousa de, entre outros, María Encinar e Martín Pérez, tendo que ser este último quen deu a cara para dicir que finalmente o evento carecía de conectividade Wi-Fi, o que foi todo un marronazo tanto para el como para o resto dos presentes, pois as redes 3G non eran capaces de aturar a tantos frikis con smartphones xuntos

Tampouco faltaron no evento figuras representativas do sector tecnolóxico como Miguel Silva de Blusens, quen logrou convencer a moitos dos presentes para adquirir o seu produto estrela, o web:tv, así como insistiu constantemente na necesidade de que os desenvolvementos que se fagan para móbiles teñan vocación de negocio (o que parece que moitos precisaban escoitar).

Pero houbo un trebello que eclipsou o web:tv, que non era outro que o flamante Galaxy Nexus que viña de gañar Alberto Ruibal (Mobialia) no Google DevFest Barcelona 2011. Era a envexa de todos os presentes, por poder catar ese terminal antes de que comezase a distribuírse comercialmente.

Tamén se achegou por alí Marcial Mouzo, para conectar en directo dende o evento coa Radio Galega. Quedou impresionando polo que se estaba a mover por alí, e incluso comentou que de saber que había tanta figura representativa do sector TIC galego terían reservado máis tempo de radio para falar do tema. É o que pasa coas primeiras edicións (os medios non eran conscientes de que o evento podía dar moito xogo).

A xornada rematou cunha competición de aplicacións chamada AppCircus na que concorreron proxectos interesantes como o Escucha y Aprende Inglés, PictoDroid Lite e Chove?.

Aínda que resultou rechamante que só un xogo se presentase a concurso. Foi o Absolute Defense de Sergio Martínez, quen de seguro achegará moitas sorpresas nos vindeiros meses.

Pero o que parecía cantado era o gañador da competición, ReallyLateBooking, aplicación para móbiles que permite facer reservas de hotel de última hora, que vai mellor cada día e que é todo un exemplo dun negocio real baseado en plataformas móbiles. Parabéns a Javier Pazos e compañía, e grazas por demostrar que dende Galicia é posible facer cousas así.

Acabo de ver en Microsiervos un impresionante vídeo que dá a coñecer a grande ameaza que supón a barba de tres días para as pantallas dos smartphones:

Cando merquedes un novo móbil, mirade que teña unha pantalla con Gorilla Glass ou algunha outra tecnoloxía semellante

Esta semana o diario El País publicou un longo artigo na súa edición impresa para Galicia no que daban conta dunha empresa galega que ía presentar dende Vilagarcía unha nova rede social con vocación internacional, asumindo todas as vendidas de moto da empresa como certas, deixando en ridículo á autora da peza, Elisa Lois, que demostra unha vez máis que ese tipo de informacións non se poden deixar en mans de calquera, e deberían pasar por algún tipo de filtro.
O artigo é unha vergoña de arriba a abaixo, pois asume cifras ridículas que unha persoa con dedos de fronte rexeitaría, como podedes comprobar a continuación:

Una empresa de inversores gallegos crea una red social con 20.000 usuarios de partida

Impulsada con la estrategia comercial de una TIC Internacional (Empresa de Tecnología de la Información) creada en 2009 por inversores gallegos y a la que posteriormente se unieron italianos y suizos, Vilagarcía acogerá la presentación de una nueva red social que comenzará a operar a partir del viernes. Será la primera que se lanza desde Galicia con esas características, ya que cuenta con una cobertura inicial de 20.000 usuarios, clientes de la compañía dentro de sus seis divisiones online. El portal Socialtrend pretende conquistar en la Red 43 países donde el grupo comercial ya está implantado, aunque las mayores expectativas se sitúan en Europa y todo el continente americano.
Ver o resto do artigo ▼

La presentación de esta nueva red social está prevista para las ocho de la tarde del viernes en el auditorio de la ciudad, donde ya se prepara todo el montaje para comenzar a operar con la versión Beta (periodo de prueba) y emitirlo en directo a través de streaming. Sus promotores calculan que en febrero, cuando se lance la versión oficial y todos los servicios que ofrece el portal estén implementados en la red, Socialtrend habrá superado los 100.000 usuarios.

La fecha de arranque de la emisión (11-11) se convertirá en la enseña publicitaria del evento, que servirá de reclamo para futuras convocatorias de la compañía que lo financia. “Elegir Vilagarcía ha sido una apuesta romántica porque el lanzamiento podría haber sido en cualquier otro lugar”, afirma el director de comunicación del grupo, Fernando César. “Pero es una forma de demostrar que en nuestra tierra hay gente tan buena para hacerlo como en otros lugares del mundo”, subraya.

El responsable de comunicación de la iniciativa afirma que en un año será la red social con mayor penetración en el mercado mundial. “La clave no está en la tecnología sino en saber conectar con las emociones de los usuarios mediante la reputación y la confianza, porque ellos van a decidir siempre. Una empresa de social media debe cuidar sus estrategias comerciales escrupulosamente porque si se antepone el negocio, no funcionará”, explica.

Con el lanzamiento del nuevo portal, el equipo prepara el desarrollo de una división inédita en Internet que garantiza el control de contenidos para los internautas más jóvenes. “Es una guardería en la Red que bien hecha puede resultar fantástica ya que el ordenador es una herramienta de formación imprescindible desde edades más tempranas”, avanza el director de comunicación. “Es el gran déficit de Internet y de la propia sociedad, y hay que ofrecer garantías a los padres, que serán los auditores de los contenidos, de que la Red es un espacio seguro para sus hijos”, añade Fernando César.

O discurso ambicioso que vemos no artigo lembroume ao que aconteceu no seu día con Pervi.es e La Voz de Galicia (agravado polas televisións autonómicas, que deron credibilidade a tal información), especialmente cando os responsables da plataforma aseguraban que ían achegar prestacións que non teñen os servizos actuais (nesta ocasión falan da protección dos cativos), o que xa debería facer correr a calquera berrando ¡lume!

Pero decidín darlles o beneficio da dúbida, e ver pacientemente a presentación de Socialtrend.com a través de streaming, o que agora tamén pode facerse en diferido, se sodes capaces de non cortarvos as veas no intento:

O vídeo xa non está dispoñible para a súa reprodución pública ▼

¡¿Pero que merda é iso?! Unha chea de vendedores de fume italianos, soltando andrómenas ante un auditorio de persoas sometidas previamente a un lavado de cerebro para adorar aos seus líderes como se estivesen nunha seita, aplaudindo sen xeito, bailando, asubiando… dun xeito que nin sequera vemos nos mitins políticos, dando a impresión de que estabamos ante un telepredicadores norteamericanos. ¿Podería saír algo bo de aí? Claramente non.

Pouco a pouco ía véndoselle o plumeiro a esa xente, e o que estaban a presentar era unha serie de produtos que todos levan trend no seu nome, e que ían dende o xogo en liña ata a economía, sempre prometendo beneficios económicos e cun discurso que só busca motivar. Chega con visitar a páxina web de Thetrend Social Corporation para ver de qué vai esta xente, e hai que estar moi desesperado para tragarse o seu discurso, especialmente cando non hai ninguén con credibilidade que os sustente.

Pero imos ao noso. A nova rede social. ¿Será unha nova tendencia? ¿Conseguirá captar 100.000 usuarios de cara a febreiro? Pois permitídeme dubidalo, pois para comezar, tan pronto como amosaron a súa interface no evento de Vilagarcía, aseguraron que levaba 10 minutos en liña (mentira, aínda tardou máis dunha hora en funcionar) e que a presentación a través de streaming estaba a ser seguida por 34.000 persoas en todo o mundo (trola moitísimo máis gorda, xa que só eramos 110 persoas seguindo o evento). Queda así totalmente soterrada a credibilidade desta xente, pero a cousa aínda é peor:
- Para comezar, a nova páxina web carece de información imprescindible para un espazo deste tipo, como a identificación da empresa que está detrás, as condicións do servizo e a súa política de privacidade, seccións que están en branco, polo que estariamos ante unha flagrante vulneración da LOPD e da LSSI-CE, como xa aconteceu tanto con Pervi.es coma co patético Parobook.
- Dos prometidos 20.000 usuarios actuais do servizo eu só atopo uns poucos, e practicamente ningunha actividade (só 3 ou 4 molestáronse en subir unha fotografía ao seu perfil). Ou sexa, que nin sequera as persoas que acudiron ao evento de presentación de Socialtrend.com (como oradores) participaron do servizo na súa fase de probas.
- E para acabar de coincidir con Pervi.es, non podía faltar o feito de que non existise un desenvolvemento de software orixinal detrás do proxecto, e temos que Socialtrend.com é unha instalación de iSocial, unha plataforma india de creación de redes sociais que pode mercarse por 297 dólares na súa versión básica.

Se temos a ousadía de rexistranos en Socialtrend.com (eu fíxeno para probalo, pero non o recomendo), podemos atopar unha plataforma moi pobre, que nin de broma soportaría a 100.000 usuarios, e que dificilmente atopará usuarios máis aló dos descerebrados que piquen nos negocios piramidais multinivel de TheTrend.

Para rematar de cagala, tiveron a pouca vergoña de pechar a presentación de Socialtrend.com cun One more thing como facía Steve Jobs nas súas keynotes. ¡Non o teñen crido nin nada!

Dáme bastante carraxe ver que esta panda de falabaratos puido organizar un evento destas dimensións, cuns medios moi superiores aos que estamos afeitos nos encontros tecnolóxicos en Galicia, e cunha retransmisión a través de streaming que destacou pola súa realización profesional (moi televisiva), aínda que os contidos non estaban á altura da técnica. Por fortuna, é de agardar que este tipo de iniciativas cheiren a timo dende lonxe, e espero que este proxecto non acade repercusión mediática nos vindeiros días para que esmoreza como unha trapallada propia das teletendas das 5 da madrugada.

ACTUALIZACIÓN (13-11-2011): Estou abraiado ante o feito de que, tras a polémica que se montou na Internet (especialmente en Twitter) sobre Socialtrend.com algúns medios de comunicación desen algún crédito a tal iniciativa.
É patético que na portada da edición de Arousa do Faro de Vigo publicasen o seguinte:

Una iniciativa con altura de miras
El portal Socialtrend se presentó como un “evento histórico para la humanidad”

La empresa Thetrend Social, que patrocina el Cortegada de baloncesto femenino, eligió Vilagarcía para realizar el lanzamiento mundial de su proyecto global de comunicación, idea bautizada como Socialtrend.
El proyecto engloba diversas opciones dentro de un concepto general. Con siete divisiones online, los clientes de esta nueva idea tendrán la posibilidad de disponer de muchas posibilidades. Ramas como el ocio, el entretenimiento o el negocio están incluidas en una iniciativa que pretende conquistar 43 países donde el grupo comercial está ya implantado.

Amosar o resto do artigo ▼

Fernando César, director de comunicación del grupo, señaló que “elegir Vilagarcía ha sido una apuesta romántica porque el lanzamiento podría haber sido en cualquier otro lugar, pero es una forma de demostrar que aquí hay gente tan buena para este lanzamiento como en otras ciudades del mundo”
Vincenzo Giorgini, propietario de Thetrend Social, presentó la versión Beta como una alternativa en estos momentos de crisis económica. La diferencia respecto a otras redes ya implantadas es que reunirá todos los servicios individualizados de otros portales. “Pero además de encontrar aquí todo lo que buscan los usuarios, ofrecemos algo a cambio, porque se recompensa al cliente y su fidelidad, una idea que resume el principal objetivo de los inversores en este escenario de depresión económica”, apunta Fernando César.
El propio responsable de comunicación afirmó que en un año será la red social con mayor penetración en el mundo, señalando la instauración de la versión oficial a comienzos de 2012 con la intención de alcanzar el millón de asociados.
Otro de los datos apuntados por la organización es la intención de repartir más del 50% de los beneficios que se obtengan entre los usuarios, aspecto diferenciador de este nuevo proyecto de comunicación social.
También se presentó una división inédita en internet que garantiza el control de contenidos para los internautas más jóvenes con la intención de garantizar a los padres un espacio seguro.

Pero aínda peor foi a reportaxe que Elisa Lois dedicou á presentación en El País:

Internet también tiene guardería
Nace una red social que permitirá a los padres vigilar por dónde navegan sus hijos

Encima de un enorme escenario multimedia, Fernando César hace un alto en el complejo montaje de uno de los más asombrosos milagros de la comunicación que ofrece Internet. Dentro de siete horas, desde este auditorio de Vilagarcía, él y su equipo conectarán en directo con audiencia de 43 países para estrenar la nueva red social que comenzará a emitir en período de prueba hasta febrero, cuando se lance su versión oficial.

Ver o resto do artigo ▼

Ante la mirada atenta de los padres financieros del proyecto (tres empresarios gallegos, un italiano y un suizo), propietarios de una compañía con seis divisiones online, el director de comunicación del grupo trata de comprimir la esencia del evento que en sí mismo es una apuesta sobrecogedora por el número de usuarios, 20.000, al que se dirigieron anoche. Pero las previsiones son todavía un mayor desafío para el grupo, que en los próximos dos meses espera multiplicar por seis esta cifra con los clientes potenciales europeos y también americanos que pretenden conquistar dando un primer salto en Brasil. Los inversores han elegido Vilagarcía porque aquí cuentan con una base de operaciones óptima y un equipo humano que ha diseñado la marca en línea creada en 2009.

Socialtrend es la primera red social que se lanza desde Galicia con una clientela consolidada y todos los servicios que están encasillados en otros portales. Pero la red va a ir más allá hasta ofrecer la gran herramienta que falta en Internet: que los menores puedan navegar en un entorno seguro, vigilados por sus padres y alejados del negocio comercial que impera en el medio.

Por primera vez en los 20 años de vida de este imparable medio de comunicación entre redes y computadoras, se desarrolla una aplicación específica, dirigida a niños de entre siete y 16 años. El nombre de la red es un dato reservado hasta su lanzamiento en marzo. “Lo concebimos como una gran responsabilidad, para evitar que los padres restrinjan a sus hijos las vías de información por miedo a no poder controlarlas”, afirma Fernando César. “Internet es una prolongación de la vida y el centro del universo de todo lo que hacemos, por eso somos conscientes de que se deben articular recursos, pero no como un elemento tecnológico tan novedoso que nadie lo comprenda, sino como algo tan intuitivo como era la vida antes en las aldeas. Tu hijo llegaba a casa y si tenía un nuevo amigo le preguntabas quién era y cómo era. Eran las herramientas de control que había y son las que de verdad funcionan”, señala.

Para crear este entorno de niños seguros en la red será necesario que los padres se registren antes. Luego podrán hacerlo sus hijos, si quieren, pero siempre debajo de su dominio, de modo que las acciones de los menores o las transferencias de archivos que realicen van a ser controladas. Pero sobre todo las solicitudes de amistad. “Una cuestión muy delicada, porque actualmente, al no haber control en esa herramienta, personas que no son niños se acercan a ellos emulando sus comportamientos para seducirlos, lo que ocurre en la vida real. Por eso nosotros queremos ayudarles con recursos técnicos”, subraya.

Actualmente un grupo de expertos está trabajando en los aspectos legales de estas aplicaciones, que plantean mayores dificultades porque abordan la privacidad del menor. “Diseñar la herramienta es fácil; lo complicado es que es un arma muy delicada que no puede tener fisuras, ningún margen de error, porque vamos a ser avalistas del control que van a ejercer los padres”, subraya César Míguez.

El responsable de comunicación del grupo desarrolló la idea de esta red en 2006 pero entonces fracasó en su empeño por la falta de apoyo financiero e institucional. “Appel, Google o YouTube nacieron en un garaje y Facebook en el dormitorio de un estudiante, chavales que aquí no habrían triunfado”, comenta con ironía.

Vinculado desde su infancia con la ciudad alemana de Osnabrück, Fernando César, de 39 años, pateó el extranjero para completar su formación periodística y audiovisual hasta que un grupo de empresarios le creyó. “Fue así en realidad, creyeron en mí y en la apuesta que tenía en mi mente. Sinceramente creo que estaban un poco locos, pero fue sorprendentemente fácil. Son empresarios discretos pero con una gran capacidad comercial y solo me preguntaron cómo hacerlo”, recuerda.

Son las ocho de la tarde y comienza el espectáculo. Fernando César abre el evento con un auditorio abarrotado de público: “Hola, me dirijo a vosotros para enviar un mensaje al mundo. En las siete divisiones del grupo hemos ido lanzando un mensaje claro; las redes sociales son conversaciones, pero la elección [de estar o no] os corresponde a vosotros”.

Coido que o caso do Faro de Vigo só indica o pouco criterio da cabeceira á hora de destacar unha información (continúo a soster que calquera con dous dedos de fronte que vise de qué ía a presentación de Socialtrend.com fuxiría a fume de carozo), pero o de El País paréceme moi grave, pois a publicación da reportaxe foi despois da polémica creada na Rede (e da que non poden argumentar descoñecemento, pois citónselles explícitamente). Dado que María Encinar descubriunos que a persoa que asina o texto é unha xornalista de verdade, só podo entender que a publicación de tal panfleto propagandistico só pode responder a unha cousa: é unha reportaxe pagada. Cadaquén que saque as súas propias conclusións.

A isto tamén podemos engadir certos comentarios que xurden na Rede (principalmente baseándose nun blog dun afectado, polo que tamén habería que coller a información con pinzas), que vinculan a unha das empresas detrás de Socialtrend.com cunha compañía acusada en Italia de vender sistemas de apostas por Internet como un produto financeiro (o que é ilegal, polo que teñen prohibida temporalmente a súa actividade en Italia). Tamén comentan certas tácticas pouco elegantes para captar público para o evento, así como prácticas laborais moi discutibles por parte de The Trend (que cobran pola formación dos seus potenciais futuros traballadores).Vaia, que a cousa non cheira ben, e os medios de comunicación que publican información comercial sobre certa xente non faría mal en documentarse un pouco antes, polo que puidera pasar no futuro.