A imaxe estereoscópica coñecida vulgarmente por 3D (pese a non selo) leva moito tempo entre nós, pero o fenómeno da película Avatar e dispositivos como a Nintendo 3DS están a levar a moitas compañías a avanzar neste ámbito, entre as que destaca a surcoreana LG, que por unha banda presume da súa tecnoloxía Cinema 3D que consiste en lentes pasivos nos seus televisores (que son máis lixeiros e baratos que os lentes activos) e do seu móbil LG Optimus 3D, que incorpora unha tecnoloxía semellante á da Nintendo 3DS, con 3D sen lentes, coa vantaxe de que a súa cámara permite tirar fotografías e gravar vídeo con tal tecnoloxía (aínda que moitos preferirán destacar a súa incrible potencia), o que inspirou unha campaña publicitaria en Francia que pode dar que falar:

Facer anuncios cun bandullo e cunhas orellas prominentes pode resultar gracioso, pero cando teñen que tirar do recurso das tetas… un xa non sabe se pensar que os creativos de Y&R son uns xenios ou simplemente quedaron sen ideas.
En España Vodafone (a compañía que venderá o terminal durante o verán, agardándose que no outono faga o propio Orange) tamén optou polo humor para dar a coñecer o teléfono, e parece que nos vindeiros meses imos ver terminais semellantes de HTC e Samsung, o que podería abrir o debate sobre se as 3D son necesarias ¿e inevitables? ¿Será unha tecnoloxía que vén para quedar? ¿Ou será unha simple moda?

Para entender o título desta entrada hai que ver enteiro o seguinte vídeo:

Coido que a revista Playboy está en horas baixas e nin sequera ten periodicidade mensual en España (coido que pasou a bimestral), de aí que entendo que teñan que optar por reclamos rechamantes para manterse no mercado, con iniciativas coma colocar en portada a Marge Simpson e, agora, publicando unha reportaxe gráfica na que homenaxean á película TRON: Legacy.

As mozas da imaxe son as modelos Irina Voronina e Sasckya Porto (peso ao apelido, coido que non é de Melide), e na galería fotográfica que publican na páxina web de PlayBoy podemos atopar imaxes delas como as que seguen:



Con estes argumentos non podo evitar seguir emocionado por ir ver TRON: Legacy o vindeiro venres, pois aínda que a película sexa para todos os públicos, non podemos esquecer que tamén aparece en pantalla Olivia Wilde, a quen bótase moito en falta en House:

Pero por moitas tías cachondas que poidan meter no filme, estou convencido de que ao final os momentos dos que máis vou gustar serán as primeiras aparicións de ambos personaxes interpretados por Jeff Bridges no mundo de TRON, pois son un grande seguidor da película orixinal.

Normalmente moléstame que exploten vellas series de televisión e películas para facer parodias pornográficas que teñen pouco de parodia e que simplemente buscan aproveitar unha marca para comercializar unha trapalla sen humor nin talento, pero é posible que a vindeira película deste sub-xénero faga que cambio de opinión, pues Batman XXX: A Porn Parody non só é unha versión porno senón que ata ¡parece un remake! Ou esa é a impresión que saco do seu trailer para todos os públicos:

O comisionado Gordon e Alfred parécense bastante aos actores orixinais, a Catwoman tamén ten un aire… posiblemente o que menos cola é que o actor que fai de Batman non está tan fondón coma Adam West
A morriña provocada polo trailer lévame a facer 2 propostas:
1- que conserven a roupa, os decorados e o resto de material para facer unha secuela da serie de televisión orixinal, que agora que hai tantas canles na TDT de seguro que é posible atoparlle un oco
2- que alguén faga unha dobraxe da película ao galego para darlle realismo

Para rematar non podo evitar comentar que a imaxe do Joker pareceume super-friki por un par de detalles:
1- o Joker sostén un fásico de Star Trek (¿irá o conto de homenaxear a series clásicas da TVG?)
2- dáme a impresión de que antes de pintar a cara de branco, o actor que fai de Joker deixou medrar o bigote para parecerse máis a César Romero

¡¿É posible ser máis friki á hora de facer unha película porno?!

Non entendo cómo son capaces de facer unha parodia pornográfica dunha serie tan friki e magnífica coma The Big Bang Theory. No pasado xa teño amosado a miña indignación ante este tipo de enxendros, pois aínda que certos casos teñan certa coña, ¿ten sentido parodiar unha comedia? (e de vendela nunha edición de coleccionista de 2 discos xa nin pregunto)
O trailer xa dá unha idea do cutre que é esta nova película:

Pensaredes que a cousa non pode ir a peor, ¿verdade? Pois craso erro. Para o mes que vén van lanzar unha nova película na mesma liña:

¡¿Cómo teñen a ousadía de mancillar esta obra mestra?! ¡Lebowski é sagrado! ¡¿Xa non respectan nada?! Nin Star Trek, nin Batman, nin Terminator, nin James Bond… ao final o único método de evitar unha parodia XXX é non ter éxito