A política melidense está moi animada estes días, e así esta fin de semana puiden ver polas rúas da vila un cartel co seguinte texto:

OS MELIDENSES CAEULLES O GORDO CON SOCORRO CEA E MANOLO PRADO.

MANOLO PRADO PERMITIUSE UN GRAN AGASALLO NESTE 2010 E ATOPOU UN POSTO DE TRABALLO PARA A SÚA MULLER COMO ENCARGADA DO PUNTO LIMPO ,( XESTIONADO POR CELTA PRIX A TRAVÉS DO CONCELLO), SOCORRO CEA COMO ALCALDESA E MÁXIMA RESPONSABLE CONSENTIUNO.

!!!! HAI QUE TER POUCA VERGOÑA ALCALDESA!!!

MELIDE CONTA CON 571 DESEMPREGADOS, BATENDO TÓDOLOS RECORDS DA HISTORIA, E O ÚNICO POSTO DE TRABALLO CREADO RECAEU NA MULLER DO TENENTE DA ALCALDESA.

¡!! ESTO SI QUE É TOCARLLES A UN O GORDO!!!

O BNG- PSOE, OU O QUE É O MESMO SOCORRO CEA E MANOLO PRADO PERDERON A POUCA DIGNIDADE QUE TIÑAN COMO POLÍTICOS E DENDE O PP PEDÍMOSLLES QUE OS RECIBO DO LIXO QUE TEREMOS QUE PAGAR POR DUPLICADO NO 2010 OS PAGUEN ELES DO SEU BOLSILLO, XA QUE POLA CONTRA TÓDOLOS MELIDENSES LLE IMOS PAGAR O SOLDO A MULLER DO TENENTE ALCALDE.

¿ALCALDESA, CANTAS INMORALIDADES MAIS VAS CONSENTIR DE AQUÍ Ó FINAL DA LEXISLATURA? ¿ SE PERMITES ESTO, A DONDE VAS SER CAPAZ DE CHEGAR? ¿QUE HAI DETRÁS DESTE PACTO DE SILENCIO?

E a cousa parece que vai ir a máis porque esta noite ás 22:00 horas en Dez TV (na canle 55 da TDT) vai ter lugar un programa especial de A Peneira no que falarán a xeito de debate da Problemática laboral no Concello de Melide e contarán cos seguintes convidados:
- Socorro Cea, alcaldesa de Melide
- Ánxeles Vázquez, voceira do PP
- David Barrio, sindicalista de UGT
- Fernanda da Tahona, ex traballadora de Radio Melide
Aínda que non estou certo de que a alcaldesa vaia asistir.
Por desgraza, non ando por Melide para gravar o programa e poder publicar na web algún corte en vídeo do mesmo, pero agradeceríase que o fixese algunha alma caritativa (ou que avisen se saben se o programa vai repetirse durante a fin de semana).

ACTUALIZACIÓN: Dende Dez TV avisáronme de que Soqui Cea non confirmou a súa presenza no debate que terá lugar pola noite en directo. Tamén comentaron que a pasada noite estiveron a empapelar Melide con carteis informando da emisión do programa de televisión, e alguén arrincou os carteis

ACTUALIZACIÓN (12-1-2009): O PP de Melide publicou no seu blog un comunicado sobre este tema:

O PP DE MELIDE LAMENTA A AUSENCIA DE SOCORRO CEA NO PROGRAMA-DEBATE A PENEIRA DE DEZ TV SOBRE A PROBLEMÁTICA LABORAL DO CONCELLO DE MELIDE
* O Grupo popular está convencido de que a Alcaldesa non tiña argumentos, feito polo que non se presentou ó programa
* A voceira popular valora positivamente este tipo de debates donde tódalas partes implicadas poidan dar a súa opinión contrastada , libre e democraticamente sobre feitos cualificados de graves
O PP de Melide lamenta a ausencia da alcaldesa ou en último caso de algún representante do Concello no debate xerado en Dez T.V a raíz da problemática laboral xurdida no Concello a raíz de entrar no goberno melidense o bipartito PSOE-BNG. A voceira do PP di estar convencida de que a non presencia de ninguén do Concello é froito da falta de argumentos para rebater tanto ó Grupo Popular como a sindicalistas e traballadores. O Grupo Popular cualificou a actitude de Socorro Cea e Manolo Prado de única, incrible e penosa ó entender que non pode haber políticos que se dediquen a facer continuos despidos improcedentes polos que o Concello foi condenado en 6 ocasións acarreándolle gastos que superan con creces os 60.000 € e ós que hai que engadir os derivados dos custos do proceso. Ánxeles Vázquez criticou que os melidenses teñan que pagar do seu bolsillo estas condenas que os xuíces impuxeron ó concello cando hai unha morea de obras que se podían acometer. A voceira do PP aclarou que estes despidos non son para rebaixar o número de traballadores, senón todo o contrario debido a que no capítulo de persoal se gastan 300.000 € mais ó ano que cando gobernaba o PP e instou a que se hai traballadores que non cumpren se lles abra un expediente cousa que ata o de agora non aconteceu polo que se entende que todos son verdadeiros profesionais polo que lles pide á alcaldesa que ó resto se lles deixe traballar. Ánxeles Vázquez cualificou ademais de inmoral certas actitudes por parte do goberno das cales son cómplices Socorro Cea e Manolo Prado e agarda que recapaciten.

ACTUALIZACIÓN (17-1-2010): Esta fin de semana vin en Melide un cartel do PSdeG no que deféndense do anterior cartel do PP, considerando que foi bastante inxusto, pois a mencionada contratación da muller do tenente de alcaldesa para o punto limpo foi un asunto puntual de 5 días a través da empresa concesionaria do servizo, ou sexa, unha actuación allea ao Concello, e algo bastante diferente a un posto de traballo.

ACTUALIZACIÓN (10-2-2010): David Barrio comunicoume o seguinte por correo electrónico:

A federacion de servicios da UGT vai a manter unha nova xuntanza coas limpadoras do Concello.
Ditas traballadoras a pesares de pertencer a unha empresa privada (xa que o Concello ten subcontratado dito servizo) están en moitos casos traballando con xornadas ridículas (menos de 8 mensuais) e outra serie de imcumprementos en materia legal.
Dende a UGT imos defender un traballo xusto e en condicións e non descartamos actuacións contundentes se isto non se cumpre. ESIXiMOS un cambio de conduta neste sentido

Hoxe en La Voz podiamos ler a seguinte nova:

La biblioteca melidense adquiere una colección de 500 cómics
La biblioteca municipal de Melide, Xosé Vázquez Pintor, dispone de un nuevo reclamo para sus usuarios. Se trata de una colección de cómic y banda diseñada que el Concello adquirió recientemente para crear una sección dedicada a este tipo de literatura, que, cada vez, tiene más aceptación tanto en el público infantil y juvenil como entre los lectores adultos. La colección está formada por quinientos títulos, principalmente juveniles, aunque también pueden encontrarse referentes de la banda diseñada como Animal man o El último hombre.
La literatura manga ocupa, asimismo, un espacio destacado en la colección con títulos como Evangelium, y también las historias clásicas como la de Mafalda, o las de aventuras de superhéroes como Superman.

Quedei un tanto sorprendido ao ler que falaban de crear una sección dedicada a este tipo de literatura, posto que eu lembro que na Biblioteca de Melide houbo comics toda a vida (precisamente alí foi onde lin as coleccións de Astérix, Tintín e Lucky Luke, e incluso algúns números da revista Cimoc e máis material sumamente interesante, entre os que non faltaba algún Don Miki) e do que non hai ningunha dúbida é de que os comics non son literatura (a novena arte ten unha identidade de seu).
Tamén pareceume algo raro que escribiran mal o nome da serie de Evangelion, pero o certo é que a deturpación de títulos era moito máis esaxerada na nova que publican na web do Concello:

Melide adquire unha colección de 500 comics para a súa biblioteca
Os títulos van dende os dirixidos a público infantil, a grandes heroes, clásicos e manga. A biblioteca Xosé Vázquez Pintor está a traballar na súa catalogación para que poidan ser incluídos no servizo de préstamo a domicilio.

A biblioteca municipal de Melide, Xosé Vázquez Pintor, ten estes días un novo reclamo para todos os seus usuarios. Trátase dunha nova colección de cómic e banda deseñada que o Concello vén de adquirir para crear unha sección dedicada a este tipo de literatura que cada vez ten máis arraigo, tanto entre o público infantil e xuvenil como entre os lectores adultos.
A colección, que xa pode consultarse na biblioteca municipal, está formada por cincocentos títulos, principalmente xuvenís, pero tamén se atopan títulos de referencia da banda deseñada, como Animal man ou El último hombre. A literatura manga ten o seu espazo nesta colección a través de títulos como La espada del inmortal ou Evangelium, que constitúen volumes de referencia deste tipo de literatura. Ademais, tamén podemos divertirnos coas historias máis clásicas e entrañables de Mafalda ou Homer Simpsom, ou coas aventuras dos grandes heroes de todos os tempos, nas versións máis cobizadas, como é o caso de Superman Rojo, Batman Año I ou Blake y Mortimar.
A concelleira de Cultura, Conchi Castro, destacou que “a adquisición desta colección de cómic e banda deseñada diversifica a oferta cultural da biblioteca, e abre novas posibilidades para os amantes deste tipo de literatura, que cada vez atopan máis títulos na biblioteca. O persoal técnico da biblioteca está a traballar na catalogación destes cincocentos volumes para que nos vindeiros días poidan formar parte das coleccións que é posible consultar a través de préstamo domiciliario.

Si, aquí repiten o de Evangelium pero tamén escriben mal o apelido Simpson, de Y, el último hombre omiten xusto o nome da serie (Y) e tamén mudan unha letra de Blake y Mortimer.
Pero iso é o de menos. O caso é que agora os melidenses que non merquen comics habitualmente van ter un xeito de achegarse a este tipo de obras, e igual así anímanse a introducirse nese tipo de lectura, con peculiaridades propias do seu medio, e que son unha importante influencia na nosa cultura (aínda que sexa por contaxio norteamericano a través do cine e a televisión).
Confío en que os volumes adquiridos pechen as súas liñas argumentais (ou sexa, que series coma Y ou Akira estean completas) porque senón, algunha xente vai pasalo moi mal, xa que atopar números soltos de series de cómic non é unha tarefa doada (especialmente canto máis vella é unha colección).
A min esta nova fíxome lembrar os tempos da I Semana do Cómic de Melide, na que a Biblioteca (aínda no edificio do Concello) montara unha exposición moi interesante, que aproveitaran para a adquisición de comics realmente representativos naquel momento, que ían, segundo creo lembrar, dende algún tomo coas mellores historias de Batman ata a novela gráfica de Epicuro El Sabio. Alédame moito ver que é posible seguir avanzando nesa liña.

ACTUALIZACIÓN: Algúns comics xa aparecen no catálogo en liña da Biblioteca.

Hoxe vin de casualidade a seguinte imaxe:

Non vou dicir que fun quen de identificalos a todos (algúns preferiría non telos recoñecido), pero coido que confirmei que o meu nivel de frikismo é demasiado elevado cando pasou pola miña cabeza a idea de que falta o logotipo de Batman máis importante. Si, hai un moi semellante, pero non é o que eu consideraría de verdade. ¿É difícil saber de cal estou a falar?

En febreiro de 1987, tras unha operación de vesícula biliar, regaláronme un ordenador ZX Spectrum +2, e ese acontecemento marcou o meu futuro levándome finalmente ao sector da Informática, pero nalqueles primeiros anos os ordenadores eran máis inocentes, e a súa principal actividade era a de servir de dispositivos orientados aos xogos. Como curiosidade, ás poucas semanas de ter o Spectrum os xogos pasaron de custar 2.500 pesetas a venderse ¡a 875 pesetas! (se fixeran algo semellante na actualidade o panorama cambiaría bastante).
Como os equipos eran moi básicos, era posible que cun equipo de 2 ou 3 persoas puidese facerse un xogo completo (cando na actualidade hai xogos con centos de persoas involucradas no seu desenvolvemento) o que permitiu que en España florecese unha industria que tivo unha forza incrible entre 1984 e 1991. Pero este fenómeno de producións Made In Spain tiña tres ilustradores case oficiais: José María Ponce (autor de moitas das portadas da revista MicroHobby), Luis Royo (autor das carátulas de xogos coma Game Over ou Hundra) e Alfonso Azpiri (que fixo o propio con títulos coma Army Moves, Lorna, Nonamed ou Viaje al Centro de la Tierra).
Agora temos a fortuna de que Planeta de Agostini vai editar o libro Spectrum, El Arte para videojuegos de Azpiri, que en 128 páxinas recolle todo un repaso polas portadas de videoxogos elaboradas por Alfonso Azpiri. ¿É preciso dicir que xa pedín que me gardaran un en Tanxencias? Só pola súas cubertas xa paga a pena:

Para quen non o colla, a imaxe imita o formato que tiñan a portadas das casetes nas que viñan os xogos, que en moitos casos contaban con fases distintas por cada cara (aínda que había que rematar a cara A para obter o código de acceso para a cara B).
A ver se tras este volume atrévense a lanzar unha recompilación semellante de Luis Royo, pois a recuperación de material de Ponce si que parece demasiado complicada (perdinlle totalmente a pista a tal ilustrador).

Hoxe vin en La Voz unha nova da que non gustei nadiña:

Los vándalos causaron destrozos en las casetas y robaron material

Los puestos del Salón del Cómic que están situados en Paseo de Coches, al lado de los jardines de Méndez Núñez, amanecieron ayer con diversos destrozos ocasionados por los vándalos, que lograron entrar en cuatro de las casetas y sustraer material diverso valorado en cerca de 600 euros.

Según explicó el presidente de la Asociación de Libreros de A Coruña, Juan Carlos Sanmiguel, los vándalos entraron en los puestos destrozando a patadas la parte inferior de las puertas o bien arrancándolas del marco. Aunque comentó que fue un suceso «poco habitual» en la historia del Salón del Cómic, indicó que las medidas de seguridad se incrementarán para evitar que se vuelvan a producir sucesos como estos.

Algunos de los libreros afectados aseguraron que los ladrones, debido a la nula iluminación en el interior de las casetas durante la madrugada, «se llevaron lo que pudieron sin saber bien qué era». De todas formas, están seguros de que los días anteriores estuvieron «oteando» el material expuesto y escogieron su botín.

En el stand de Dolmen, por ejemplo, se llevaron cómics, todo tipo de libros, y pequeñas muñecas (pinkys), además de una caja de cartón y bolsas. En la caseta que comparten Mazinger de Vigo y Tanxencias, se llevaron 10 euros en metálico que había sobre el mostrador, además de dos peluches, tres lotes de deuvedés, y un cómic protagonizado por JLA de Grant Morrison. También en Alita Cómics entraron a robar y en la caseta que comparten Distrimagen y Ariadna Editorial revolvieron el interior y sustrajeron alguna publicación. Los vándalos intentaron introducirse en otros stands sin éxito. Los destrozos fueron descubiertos por la mañana por los barrenderos.

Ou sexa, que non só fixeron destrozos e roubaron en varios postos, ¡senón que foron a polas tendas locais! ¡¿Serán fillos de puta?! Agardo que ao que cargou co tomo da JLA sáialle unha hernia.

O peor deste tipo de sucesos é que mina a confianza dos libreiros, o que non axuda nada de cara a futuras edicións, non só de Viñetas, senón tamén das distintas feiras do libro que se celebran na Coruña.

Iso de cambiar lixeiramente os nomes de eventos e tendas pode levar a confusión a moitos, cando non pillan que é unha broma. Vaia, que hai anos cando ía a por comics a Tanxencias dicía que ía a Turxencias, e iso nunca levou a engano, pero nesta edición de Viñetas igual algún turista leva unha mala resposta cando pregunte por algún establecemento ou editorial baseándose no nome que figura nas súas casetas:

Logo tamén estaban El Basto Shop e Poca Distribución, o que quedaba máis disimulado (pois só perderan unha letra cada un). A creatividade non chegou para tunear máis nomes, pero a anécdota tivo a súa graza.

¿Alguén dubidaba da sensibilidade dos soldados de G.I. Joe? ¿E do seu talento musical? Pois para matar a dous paxaros dun tiro, velaquí tendes The Ballad of G.I. Joe:

Ver letra ▼

¿Recoñecedes a Destro e á Baronesa? ¡Son Vinnie Jones e Olivia Wilde (13 en House)! ¡Arriba eses clarinetes!
Tamén saen Alan Tudyk, Ben Stiller, Henry Rollins e Julianne Moore (entre outros) polo que podemos asegurar que o casting do vídeo ¡é de máis peso que o da película!