Este serán Xosé Ramón Nóvoa convidounos a Javier Wicho Pedreira, David Serantes e un servidor a participar na súa sección Visionarios del Ciberespacio en RadioVoz para facer un repaso tecnolóxico do ano.
Entre as miñas achegas estivo o repaso do memology de Facebook e un gráfico elaborado por Yahoo! que resulta moi ilustrativo:

Por desgraza non tivemos o tempo suficiente e a polémica da Lei Sinde ocupou tanto espazo que non puidemos tratar a fondo temas como as redes sociais, a TDT, o cine en 3D e outras tecnoloxías emerxentes (para min Kinect vai marcar un antes e un despois nas interfaces de usuario a longo prazo, pois non só detecta movementos, senón que tamén recoñece rostros e voz).
Déixovos coa gravación do programa para quen queira pasar 20 minutos escoitando aos blogueiros tecno-frikis máis habituais de RadioVoz:

Audio clip: Adobe Flash Player (version 9 or above) is required to play this audio clip. You also need to have JavaScript enabled in your browser.

Ah, e tamén agradecer a Antía Díaz que nos aturase no programa Voces de Galicia, que conduce estes días porque Loreto Silvoso está pachuchiña (a ver se mellora) e Isidoro Valerio estaba descansando uns días.