2. Marcus escrito o 31 de Xullo de 2008 ás 10:10

Nemigo, tamén pon Concello da Coruña, e antes nos carteis aparecía o L. Vaia, que non lle vexo moito sentido á crítica (corrixiron o que tiñan que corrixir).

4. Marcus escrito o 31 de Xullo de 2008 ás 15:35

Nemigo, se o cartel é trilingüe (tamén cita o Festival de la Historieta e o Comic Festival) non hai nada que discutir sobre iso.
O Concello coruñés ten dobre nome oficial (a cidade só ten un)… ¡e antes tiña 3 nomes! Finalmente abandonaron a forma inglesa, que non tiña moito sentido.
É confuso que a cidade teña 1 nome, o Concello teña 2 e a feira do cómic teña 3, pero éche o que hai. O Concello podería ter prescindido do nome en español, pero iso é algo que teñen que decidir no pleno municipal (que fixo o cartel de Viñetas ten que respectar a normativa actual).

6. Marcus escrito o 31 de Xullo de 2008 ás 19:39

Nemigo, iso de que o Concello só ten que ter un nome o dis ti, pero non o di o Concello. Xa lles custou moito traballo deixar a teima de esixir xudicialmente o L. Máis adiante igual prescinden do nome en español, pero polo momento está aí e hai que roelo.
E non se trata dun caso de tradución, senón dunha dobre oficialidade de nome, como tamén hai 2 linguas oficiais; pero supoño que no caso coruñés se obra así para que o cambio non sexa moi drástico, xa que continúa a existir un enorme grupo de cidadáns (¿maioritario?) que defende o L.
Non hai que esquecer que o BNG só está no Goberno municipal dende hai uns días, coma quen di, e foron precisos moitos cambios para chegar á situación actual. Non me sorprendería que en breve quitasen a palabra Ayuntamiento da nomenclatura oficial, pero estaba claro que non o ían facer o mesmo día que quitaron o L (aínda foi hai unhas semanas cando cesaron a loita xudicial), pois xa se montou moito rebumbio por ese tema.

Se nos poñemos con símiles de marcas, non esquezamos que a Coca-Cola se chama así en todo o mundo, pero tamén explotan o xenérico Coke (a light nos EE.UU. se chama Diet Coke). E moitos produtos teñen distintos nomes segundo o país de comercialización (para facilitar a súa pronunciación ou non xerar polémica): Pajero-Montero, Lynx-Axe, Mr. Clean - Don Limpio, etc.

8. Marcus escrito o 1 de Agosto de 2008 ás 1:28

Visto dende a cidade, entendo que á meirande parte da xente lle trae sen coidado o artigo. O que pasa é que os laistas se facían oir. Cada vez que sae o tema nas radios locais tes que ver a cantidade de xente que chama. Iso si, os que dicían que o 80% dos cidadáns estaban a favor do L estaban claramente a inventar as cifras.
O ridículo foi que gastasen cartos nunha loita xudicial que estaba perdida de antemán (de querer oficializar o L terían que modificar a lei vixente, e non intentar buscar unha porta traseira nos xulgados). Supoño que a cousa non daba para máis porque A Coruña era a única cidade galega na que había follón polo tema (a Ferrol xa hai tempo que lle quitaron o artigo e o apelido).
Iso si, o conflito coruñés ten un efecto colateral moi molesto no día a día: nos formularios web tanto a cidade como a provincia poden aparecer en tres posicións distintas (A, C ou L). E digo posición porque moitas veces aparece A Coruña no L (ou sexa, que corrixiron o nome pero non a posición no formulario).