Jean-Louis Tripp fixo o poster que este ano ilustrará a feira de Viñetas desde o Atlántico:
Admito que non lin ningunha obra de Tripp, pero esta ilustración encántame.
Xa falta menos para que os frikis tomemos A Coruña 
Quen queira renovar o seu monitor por poucos cartos e non sexa moi esixente non debería deixar pasar a última oferta de APP, pois venden o monitor TFT de Hannspree de 22 polgadas cunha resolucion de 1.680 x 1.050 píxeles por 165 euros.
Iso de por si xa sería un bo prezo, pero resulta que a pantalla inclúe altofalantes e porto HDMI, ou sexa, que é coma ter un televisor HD Ready (sen sintonizador), polo que tamén é unha solución económica para conectar á consola de videoxogos de alta definición (Xbox 360 ou PS3). Mentres as grandes pantallas de alta definición non baixan de prezo estamos ante unha solución provisoria que pode satisfacer a moitos. Vaia, que o único defecto que lle vexo á oferta é a marca da pantalla, que está á altura de Bluesky ou Grunkel, o que non indica que sexa un mal produto ou que non teña garantía (só que a moita xente lle bota para atrás non mercar trebellos de marcas con sona).
Non podo deixar de comentar un detalle que vexo en case todos os monitores con HDMI e altofalantes: a toma de audio. Na meirande parte das fichas técnicas a etiquetan coma entrada o que coido que é un erro indicido por tratarse dun conector femia. Dáme a impresión de que se trata dunha saída de liña para poder conectar altofalantes externos, xa que por HDMI se transmite o son xunto co vídeo. Cando menos é así nalgunha pantalla que teño visto, e me sorprendería que fose do revés neste caso (aínda que non descarto que a entrada poida ser bidireccional).
Vincenzo publica no seu blog un vídeo no que se rememoran os vellos anos 80, elevando o anuncio de Coca-Cola á n-ésima potencia:
Ver letra ▼
Impresionante traballo de El Reno Renardo (¿será colega dos Gigatrón?), quen tamén fixo unha impresionante homenaxe ao Señor dos Aneis con Camino Moria:
Ver letra ▼
E a nivel informático tamén lle dedicou un tema ao CTRL + ALT + SUPR no seu disco El Reno Renardo y el Reino de la Cagalera de Bisbal (descargable de balde coma o seu anterior traballo):
Ver letra ▼
Ah, e a min o Spectrum si que se me colgaba (pero poucas veces) e volver a cargar un xogo levaba 5-15 minutos (¡cagonrós!).
Dentro do mundo dos frikis informáticos hai dúas películas de culto indiscutibles, e non, Matrix non é ningunha das dúas. Falo de Juegos de Guerra e de Tron. Moitas películas se inspiraron nestas obras, pero o legado de Tron merecía unha secuela, que parecía ter quedado nun amago co videoxogo Tron 2.0 que saíu hai uns 5 anos con grande éxito de crítica (aínda que non tanto de público, posiblemente porque non contou con versión para PS2).
Co gallo da Comic-Con déronnos unha boa nova: haberá secuela cinematográfica, e chamarase TR2N. Polo momento só temos un cutre-teaser gravado coa cámara dun móbil, pero a cousa pinta ben:
Imos ter que agardar para ver a película (coido que sae en 2010) e supoño que dada a súa temática imos a escoitar falar moito dela.
Para os máis novos que non coñezan Tron non podo deixar de comentar que a serie ReBoot que botaban pola TVG me parecía unha copia da película de Jeff Bridges.
Na Comic-Con de San Diego veñen de publicar 6 novos posters da película de Watchmen que son toda unha homenaxe á serie de comics orixinal:
A min encántame o póster no que sae Ozymandías, polo mero feito de que replica o anuncio da serie cando a publicou Zinco en España hai unha porrada de anos.
Tamén hai que agradecer á xente do blogue brasileiro Omelete
por publicar as imaxes, o que podería provocar toda unha avalancha de visitas, pois están a facer referencia aos posters en moitos blogs de todo o mundo.
Coido que este tipo de campañas publicitarias son moi positivas, pois meten aos seguidores á obra orixinal no peto, e logo a película vai ter máis posibilidades de agradar. Que así sexa.
ACTUALIZACIÓN: Recomendo ver unha web na que comparan os debuxos orixinais cos posters presentados na Comic-Con.
Dende 233grados.com publicaron durante as últimas semanas unha colección de 10 ilustracións de Ramón que representan 10 razóns para ler un medio en liña, e agora as xuntaron nunha presentación:
A metade dos argumentos son moi chorras, pero está claro que os soportes dixitais teñen moitas vantaxes, aínda que o papel tampouco é manco. Non hai nada mellor que un xornal cando cae aceite na cociña 
Vaia, que Ramón podería animarse cunha colección de 10 razóns polas que o papel vai manterse a longo prazo (aínda que con distinta forza).
Hai unhas semanas descubrín unha web na que venden cousas feitas a man, Etsy.com, e quedei prendado das cucadas que fai a deseñadora francesa baixo o nome de usaurio KmilaRodz:
Que a réplica feita a man da Nintendo DS inclúa o lapis paréceme super-friki, aínda que coido que a xente tamén flipou moito coa versión do iPhone:
¿Alguén me pode dicir se este modelo ten 3G ou EDGE?
Estas cousiñas feitas a man poden estar moi ben como agasallo, pero a posibilidade de que sexan presentes cabróns tamén é moi alta (xa estou vendo a cara do fulano que conta co iPhone o día do seu cumpreanos e o sorprenden coa réplica de farrapo).
