24. Marcus escrito o 4 de Xuño de 2008 ás 20:05

Luisma, coma Vodafone non comercializa aínda os Toshiba Portégé G900 e G910, a miña elección iría de cabeza para o Samsung F700V, pois o teclado QWERTY é un factor que para min resulta moi importante (teño un iPhone e teclear na pantalla é un coñazo).
O N95 sería un terminal máis pensado por se precisas GPS (pronto vai chegar o N96, que é máis elegante e cómodo).
Outro terminal a ter en conta sería o LG Viewty (KU990) pois sería o ideal se gustas de sacar fotos co móbil (é difícil distinguilo dunha cámara compacta).
Como ves, as posiblidades son varias, polo que todo depende das túas necesidades, pois as funcións básicas van quedar cubertas polos 3 terminais.

26. Marcus escrito o 5 de Xuño de 2008 ás 9:35

Os Portégé G900 e G910 non creo que os subvencionen a curto prazo, pois Toshiba non ten boa relación en España coas operadoras.
Os 2 terminais están no mercado, o G900 a menos de 500 euros e o G910 a máis de 600 euros, pero aparte de que son móbiles completísimos, polo que me gustan é pola súa pantalla de 800 x 480 píxeles (o resto de terminais normalmente son de 320 x 240 e hai algún que outro a 640 x 480), que é ideal para poder acceder a webs coma Gmail ou Google Reader dun xeito semellante a como se accede a estes servizos no PC (e non esquezamos que están avanzando moito as versións móbiles de Firefox, o que fan que se poida cargar case de todo dende os móbiles). Iso si, son un pouco ladrillo, pero coido que son unha das alternativas máis interesantes para a xente que está moitas horas fóra da casa e da oficina, pois permiten estar conectado de verdade, aínda que os ultraportátiles de baixo custo poden ser unha lixeira ameaza para este tipo de mancontros.

28. Marcus escrito o 6 de Xuño de 2008 ás 10:01

Farris, tendo en conta que na web da tenda Game venden unha PS2 seminova sen manda por 59 euros coido que a opción é moi clara, xa que pillas unha consola polo prezo dun xogo de PS3.
Eu agardaría un ano (ou máis) para pillar a PS3, pois os xogos aínda non pagan a pena (lembremos os primeiros xogos de PS2) e os televisores de alta definición aínda non son moi habituais. Non hai que esquecer que a PS3 aínda non ten piratería (polo que resulta moi cara), polo momento ten poucos títulos Platinum e a meirande parte das consolas que se venden en España non son compatibles cos xogos de PS2 e PSOne.
En defensa da PS2 podo dicir que actualmente hai varios centos de xogos doados de conseguir, tanto legal como ilegalmente. Ademais, tirando de tendas galegas coma Todoconsolas ou DiscoAzul podes conseguir accesorios moi baratos (guitarras e volantes por menos de 30 euros).
Non hai que esquecer que moitos dos xogos de éxito, dende os Guitar Hero e Rock Band ata os títulos baseados nas últimas películas aínda teñen versión para PS2 aínda que de aquí a final de hai que admitir que van a deixar de sacar xogos novos, pero só co catálogo actual xa dá para xogar moito tempo.
Vaia, que se mercas hoxe unha PS2, a chipeas e descargas os xogos que vexas no BitTorrent (baixan a toda velocidade) xa terías xogos para un par de anos. E se non queres piratear, nos centros comerciais hai xa moitos títulos a 9,90 euros.

Para os que queiran mercar unha consola eu só podo recomentar a PS2 se tes un televisor normal, e a Xbox 360 (que é pirateable e barata) para que queira ter tamén un reprodutor multimedia de alta definición, pero a PS3, que estou certo de que vai arrasar, está aínda un chisco verde.
A Wii non a recomendo porque fóra dos 4 xogos de éxito o resto son unha merda (por resumir), de xeito que só me parece apta para xogadores casuais.

30. Marcus escrito o 9 de Xuño de 2008 ás 20:14

Alberto, a verdade é que hoxe non hai ningún móbil especialmente atractivo no catálogo de puntos de Vodafone se xa tes un N95, pero nas vindeiras semanas vai cambiar o conto pola competencia co iPhone que vai vender Movistar. Dende Vodafone anunciaron que ían traer terminais moi atractivos (e normalmente cumpren).
Iso si, se tes paciencia podería compensarche o N96 que sae no terceiro trimestre do ano, ou sexa, en setembro. O novo móbil é moi semellante por fóra, pero cunha cor negra que lle engade bastante clase. As dimensións e o peso son case iguais, pero coma contraprestación inclúe 16 Gb de capacidade interna, flash de 2 LED para tirar fotos, unha reprodución de vídeo mellorada (aínda que xa o facía bastante ben), capacidade para vídeo en Flash (ou sexa, o de YouTube) e mesmo sintonizador de TDT móbil (DVB-H) que aínda que en España non funcione aínda, é unha boa opción para que queira adquirir un terminal a longo prazo.
Supoño que en setembro será careiro (o prezo sen subvencionar é de 550 euros, ou sexa, case o mesmo prezo que o modelo de 8 Gb) pero para o Nadal xa podería estar presente en algunha promoción.

35. Marcus escrito o 10 de Xuño de 2008 ás 18:35

Coido que buscabas a miña referencia a PeerTV. Con ese programa se ven moitas canles.
Unha opción interesante pero complicada é usar Zattoo mediante un proxy.

Por exemplo, unha das aplicacións coas que podes flipar (con EE.UU. en vez de con Inglaterra) é Hotspot Shield que con so activala xa che deixa acceder a contidos coma os de Hulu, ou sexa, a case todas as series e programas de éxito nos EE.UU.

Ah, e os Airis Kira 100 son os peores ultraportátiles do mercado con moita diferenza. Os Eee PC 701 tamén son moi malos (chegaron tarde a España) e nos Asus Eee os de referencia deberían ser os modelos 901 (que sae no verán) e o 1000 (no outono).
Para min o mellor ultraportátil de baixo custo é o MSI Wind (sae en xuño), e mentres os de Asus teñen problemas de distribución internacional pode que estean ben os equipos de Acer e Dell que van lanzar en breve. Cando comece a ver algún dos equipos no mercado español mirarei de facer algún textiño.

36. Marcus escrito o 10 de Xuño de 2008 ás 19:13

Pacha, o erro que tes co XP pode ser por mil cousas. Eu de ti probaba a meter directamente o SP3, que xa leva un tempo funcionando e vai ben.

De tarxetas gráficas pillaría unha nVIDIA GeForce 8600GT ou 8800GT con 512 Mb de memoria. Non estaría de máis que buscases un modelo con HDMI (en APP vin unha de Asus 116,10 euros), por aquelo de poder conectala nun momento dado a unha pantalla de alta definición. Iso si, supoño que con PCI te refires a PCI Express 2.0, ¿verdade?
De todos os xeitos, as tarxetas de 60/80 euros xa van dar unha potencia caralluda, e agás que pretendas xogar a 1.920 x 1.200 píxeles van ir de máis. Normalmente compensa preguntar na tenda, pois todas as semanas teñen algún modelo baratiño que paga a pena.

E o de Astropia é unha grande nova. A ver se chega a España.

39. Marcus escrito o 16 de Xuño de 2008 ás 16:39

Pacha, coido que descargaches a versión compacta do .NET. Hai versión grandes como a .NET 3.5 redistributable.
Con respecto ao SP3, o do contido bloqueado coido que o podes quitar na configuración de seguridade, e o que me parece raro é o da velocidade (eu non notei cambios). Iso si, a mellora de velocidade do 20% da que se falaba antes do lanzamento do SP3 quedou en nada

41. Marcus escrito o 17 de Xuño de 2008 ás 1:51

O HTC TyTn II é un bo terminal que funciona ben se o ves como unha oficina móbil. É moi completo e para min ten principalmente un fallo: a súa pantalla ten pouca resolución (320 x 240). Ou sexa, que está ben para ler o correo e algún documento, pero para ver webs é moi mellorable.
Tamén hai que indicar que comparte un defecto con case todos os terminais que usan Windows Mobile: a velocidade aparente. Non é que vaian lentos, pero hai certos retardos que desesperan un pouco ao usuario. No iPhone estes tempos están disimulados con animacións, de xeito que non te decatas desas esperas. Canto máis moderno sexa o terminal (e o TyTn II xa ten o seu tempo) mellor irá a tal respecto.

De HTC o terminal que tamén ten moi boa pinta é o HTC Touch Pro, que tamén ten teclado QWERTY pero a súa pantalla é de 640 x 480, ou sexa, que para ver páxinas web está moito mellor que o TyTn II. O problema do Touch Pro é que non se venderá ata despois do verán.

43. Marcus escrito o 18 de Xuño de 2008 ás 10:17

Fandi, a moita xente lle pasa o mesmo que a ti. Non é que a cousa vaia mellor ou peor, é que vai diferente, es os cambios non sempre agradan.
Para cambiar tal prestación podes ir a about:config/em> no Firefox 3 e accederás a unha serie de parámetros configurables. Logo fas que browser.urlbar.clickSelectsAll pase a false facendo dobre clic sobre o valor (e browser.urlbar.matchOnlyTyped en true). Se na liña de filtro escribes só urlbar verás outros parámetros que podes cambiar, coma o número de resultados presentes e cousas así.
Se con iso non acaba de convencerte, tamén podes descargar unha extensión, oldbar 1.2, que deixa a barra de enderezos como estaba antes.

46. Marcus escrito o 1 de Xullo de 2008 ás 21:47

Guti, la única manera de conseguir los viejos programas es a través de Antón, y algún día caerán (Antón guarda mucho material).
Luego, sobre nuevos programas, por ahora la cosa queda con la colaboración de los sábados por la mañana en el programa de Mayte González, pero de la próxima temporada aún no sé nada (pero me temo que seguiremos igual). Es posible que durante el verano también me acerque yo por el programa de Mayte (en plan invasor zappinero).

49. Marcus escrito o 7 de Xullo de 2008 ás 0:24

Pacha, grazas pola info de Ástropía. A ver se me animo a vela durante estes días, pois de chegar a España non creo que sexa máis aló de festivais de cine

Sobre o Asus Eee PC, funciona coa distribución Xandros, que está adaptada para el. Outros ultraportátiles de baixo custo funcionan con distros coma Linpus e mesmo con versións adaptadas de Ubuntu. O único que teñen de especial estas distribucións é que procuran meter o mínimo, para que ocupen pouco disco (xa que algúns destes ultraportátiles teñen discos de só 4 Gb. Tamén mira de meter contornos gráficos pouco pesados, pero iso non é sempre preciso, pois non todos os ultraportátiles coxean tanto en tal aspecto.

Determinar a mellor distribución de Linux é unha tarefa imposible, pois é cuestión de gustos. É cómo preguntar polo mellor ordenador a adquirir nun rango de prezos: a resposta é variada, e depende moito das necesidades do usuario. Unhas distros apostan pola seguridade, outras pola velocidade, outras por manter unha certa coherencia de produto al que dar soporte… eu gusto do SuSE, pero ultimamente os que están a gañar moitos adaptos son os Ubuntus, e digo en plural porque tanto Ubuntu coma Kubuntu e Xubuntu teñen o seu aquel. Eu recomendaría probar varios Linux (para o que podemos empregar sen problemas versións LiveCD) e así ver as aplicacións e as interfaces das que máis gustemos pois o corazón do sistema é común, ou sexa, que non decidimos o motor do coche, senón a súa aparencia e os accesorios que inclúe de serie

51. Marcus escrito o 7 de Xullo de 2008 ás 21:24

Ola, Rubén. O túa dúbida é moi normal, pero hai unha cousa que a xente tende a esquecer: os portátiles consumen moitísimo menos que os sobremesa. Groso modo poderiamos dicir que consumen entre a cuarta e a quinta parte, aínda que todo depende do número de accesorios, tamaño de pantallas, uso de unidades ópticas… vaia, que cada caso un mundo, pero para que quedes tranquilo recoméndoche visitar a web de Energy Star onde teñen unha calculadora de consumo eléctrico e cifra o consumo dun portátil acendido as 24 horas nun gasto anual de entre 56 e 155 euros (depende do tocho que sexa o equipo). Nun uso normal, un portátil consumiría uns 50 euros de electricidade ao ano, ou sexa, entre 4 e 5 veces menos que un sobremesa. Todo depende das horas de uso, claro; e non esquezamos que os periféricos (discos duros externos, gravadoras de DVD, sintonizadoras de televisión…) suman consumo.
Non os enganemos, o que consume nos fogares normalmente non son o televisor (agás que falemos de pantallas de grandes dimensións) ou o ordenador, senón a neveira, o conxelador ou o forno. Iso si, se hai unha PS3 xa calo… consume coma 10 Nintendo Wii.

54. Marcus escrito o 8 de Xullo de 2008 ás 11:57

Luisma, ese tipo de tecnoloxías xa levan tempo probándose, e teñen pensado aplicalas tamén en cines (para evitar as gravacións con cámaras) pero haberá que ver cómo funcionan na práctica e non no papel.
A ligazón xa a arranxei eu, pero en caso de non querer facer cousas así hai que escribir en HTML tal que así:
<a href="http://www.paxinaaenlazar.com/">texto da ligazón</a>

57. Marcus escrito o 17 de Xullo de 2008 ás 22:32

Josiño, se non es empresas normalmente non colas os trucos para facer presión. Se cambias a outra operadora de ADSL terás o router ADSL polo morro, pero quedando en Telefónica é case imposible conseguir un router de balde. De feito, coñezo un caso dun usuario con problemas co router en garantía que para arranxalo tiña que quedar sen acceso á Rede durante un par de semanas pois non lle mandaban mentres un de sustitución. Vaia, que Telefónica suspende totalmente no servizo de atención ao cliente nos seus servizos de banda larga, pois están nunha posición dominante brutal e non se esforza en manter os clientes.
Se queres mercar pola túa conta un router ADSL (que ten que incluír un modem ADSL no seu interior, polo que son caros) de Linksys custa 64,70 euros en APP, pero hai modelos máis baratos de fabricantes coma USRobotics por 46,89 euros.
Moito ollo cos routers que poñen que funcionan con ADSL e cable á vez, pois eses non inclúen realmente o modem ADSL, polo que en España só funcionarían con cable (de aí que sexan tan baratos).

61. Marcus escrito o 6 de Agosto de 2008 ás 23:36

Luisma, eu creo lembrar que todos os anos os carteis son sosísimos. En futuras ocasións estaría ben que fixesen algo mellor, pero a meirande parte das festas da zona se limitan a o de sempre.
A min o que non me gustan son as festas en si, pois iso de meter orquestras coma se fosen actuacións estelares me parece patético (non esquezamos que Iván Ferreiro está de recheo, non coma prato forte).

64. Marcus escrito o 12 de Agosto de 2008 ás 0:15

Si, xa avisei a meu irmán por se lle interesaba. A min non me vai porque só uso Simyo as fins de semana, pero a tarifa plana actual é a mellor oferta do mercado con diferenza, aínda que na web aínda non publicaron as condicións de contratación da tarifa, pois gustaríame saber qué pasa cando a conexión non funciona (¿darán días de balde? ¿descontos? ¿nada?) pois a pasada fin de semana Simyo non me funcionou en Melide (conectábame, pero só podía enviar pero non recibir datos).
Yoigo continúa coa baza de usar a infraestrutura de Movistar, pero está a perder moita forza (xa deixou de captar portabilidades a saco como hai uns meses). As tarifas de Yoigo actualmente son moito menos competitivas que as de Simyo.

66. Marcus escrito o 14 de Agosto de 2008 ás 18:50

Brigantium, si que se pode. É o que se chama normalmente configuración RAID 0 e aínda que pareza que esa solución serve para simplificar o uso de disco, o certo é que se fai para mellorar a velocidade (case se multiplica por 2). Ten un perigo: se casca un disco, perdes toda a información, porque os ficheiros se reparten entre ambos discos.
Windows permite facer algo así co que chama volumes distribuídos, pero o normal é facelo a través da controladora de disco da placa do teu equipo (o dunha controladora de disco independente). Algunhas BIOS deixan facer iso de xeito doado.
De todos os xeito, iso de distribuír información en varios discos é algo que hai que pensar moito antes de facelo, e normalmente só está xustificado para servidores ou para o uso intensivo de vídeo (e non me refiro a ver DivX, vaia).

69. Marcus escrito o 27 de Agosto de 2008 ás 17:23

Rubén, a min iso da turbocaché e a hipermemory non me convence, prefiro a memoria dedicada. De todos os xeitos, o equipo inclúe 256 Mb de memoria de vídeo, polo que así xa sabes que vai ir ben (aínda que xa aviso de que as tarxetas gráficas para portátiles van moito máis lentas que os seus equivalentes numéricos de sobremesa). Ah, e parece que si ten HDMI (algo que aínda non se ve en moitos portátiles, e pode vir moi ben cando queremos amosar algo a familia dende unha pantalla grande). O Blu-ray polo momento o meten en poucos portátiles, e tenden moito a colar combos (que len Blu-ray e gravan DVD), o que é unha cabronada, pois o Blu-ray é para gravar, só que as gravadoras custan uns 100 euros máis (aínda que ata que baixen de prezo os discos virxes non pagará a pena).
Eu só lle poño 2 pegas ao equipo: ten unha resolución de pantalla moi baixa (o normal en 15 polgadas é 1.680 x 1.050 píxeles) e sospeito que as teclas son algo pequenas por incorporar teclado numérico (o que debería reservarse para equipos con pantallas de 17 ou máis polgadas).
Sobre a marca, LG leva moito facendo portátiles, pero non é un fabricante recoñecido, ou sexa, que é como adquirir un Acer ou un Packard Bell.
Admitamos que estamos ante un equipo que vén moi cargado a un prezo aceptable.

71. Marcus escrito o 28 de Agosto de 2008 ás 19:07

Rubén, o normal é que ese prezo se volva a repetir no futuro en equipos semellantes. Ten en conta que os ordenadores baixan sempre de prezo e non o contrario.
De feito, por pouco máis de 600 euros tes equipos moi semellantes (pero sen refrixeración líquida) noutras tendas. Cando hai ofertas de catálogo o normal é aproveitalas o día no que saen, e a veces nin con esas (en PC City é moi normal que na tenda non teñan os produtos que saen nos folletos, pois os venden moi rápido, aína que si aceptan encargos vía web).
A ver se tes sorte e adquires un equipo que che saia ben de prezo.

Ah, e fíxome graza que nas últimas horas LG anunciase que entrega no sector dos ultraportátiles de baixo custo. Acaban de anunciar un clon do MSI Wind por 399 euros e ¡con 3G integrado! (aínda que parece que ten unha batería cutre). Seguro que algunha operadora se lanzará a subvencionalo en breve.

74. Marcus escrito o 11 de Setembro de 2008 ás 12:31

Brigantium, ten pinta de que só tes un problema de actualización de Windows. Igual se arranxa so cando veña outra actualización (non é nada importante).
Sobre a caducidade dos dominios, normalmente o que pasa é que o dominio non responde. Cando sae publicidade é porque non só caducou, senón que alguén o ten que non é o seu propietario (que ás veces pode ser a empresa intermediaria, que tira proveito do período de graza para renovar, e saca así uns cartiños extra).

78. Marcus escrito o 22 de Outubro de 2008 ás 21:20

Jajaja, Luisma, iso da morte dos blogs é unha parvada. O que pasa é que os pioneiros das blogosfera xa están queimados, e agora os blogs xa non son algo rechamante, senón normal. Iso si, o titular de 20 Minutos é patético (collen un artigo dunha revista norteamericana e o converten en dogma de fe, intentando trasladar o fenómeno norteamericano a España… o que non ten moito sentido).
Tamén hai que recoñecer que moitos blogs perderon o seu espírito inicial e se converteron en auténticos medios de comunicación con cadro de persoal e compromisos publicitarios (como se pode notar en certos blogs tecnolóxicos ou de videoxogos). Para moitos iso non é un blog, pero tal detalle nace de confundir un xénero cun formato de publicación.

É moi habitual escoitar falar da morte do blogomillo, cando se refiren realmente ao feito de que o núcleo duro se foi diluíndo en moitos outros blogues, o que é xusto o contrario á morte.

A min, persoalmente, preocúpame moito máis a morte de centos de servizos da Web 2.0 que resultaron innovadores e que agora desaparecen porque Google os imitou (e lles roubou os seus usuarios)… para que logo falemos de Microsoft…

82. Marcus escrito o 29 de Outubro de 2008 ás 23:55

Brigantium, proba o Ad-Aware 2008 Free a ver se así detectas o que pasa.

Sobre as actualizacións de Windows, o que está a dar problemas por aí é que actualizan o sistema de validación de copias orixinais, que afecta a Windows e/ou a Office, polo que hai que volver a arranxalos. O mellor neses casos é ter desactivadas as actualizacións automáticas para non levar sustos. Se entendín ben o da guerra, pois se só te refires á frecuencia, o certo é que nos últimos días arranxaron un par de fallos de seguridade bastante gordos, e por iso houbo máis actualizacións do habitual.

85. Marcus escrito o 1 de Novembro de 2008 ás 18:05

Brigantium, os anti-virus apenas detectan as ameazas tipo adware e spyware porque non é a súa función principal (hoxe miran máis de troianos perigosos).
O SUPERantispyware non o coñecía, e botándolle un ollo ten boa pinta. Goza de boa sona entre os usuarios, aínda que a súa versión de balde só serve para detectar as infeccións (a versión de pago evita collelas).

87. Marcus escrito o 15 de Novembro de 2008 ás 19:06

Luisma, pois vai ser que non. Febra é o equivalente a hebra e non a fibra, aínda que unha das acepcións no dicionario de febra sexa “fibra de carne magra”.
Iso si, a coña do touciño e da velocidade quedaría moi ben nunha campaña de R e non descartaría que fagan algo semellante no futuro (os de Euskaltel xa fixeron a broma coa fibra para facer de vientre.

89. Marcus escrito o 23 de Novembro de 2008 ás 17:04

Xab, non vexo que o teu blogue teña ningún tipo de limitación por parte de Google e sae correctamente nas buscas. ¿A qué te refires con que te teñen castigado?
Normalmente con Blogger incluso Google se porta mellor. E se queres migrar a un dominio propio, incluso o podes facer dende o panel de control de Blogger (teñen acordos con empresas que venden dominios) e por uns 10 euros/ano podes ter un dominio de teu, que sempre axuda a levantar o ego (e tamén contribúe aos resultados de busca).
Logo, o de Google e a predilección (ou non) de según qué blogs e webs, a cousa depende de algoritmos matemáticos e sistemas de indexación que cambian constantemente, polo que optimizar páxinas para buscadores hoxe en día é unha profesión (non é un xeito de falar). Normalmente se os contidos son relevantes e intercambias ligazóns (entrada e saída) con outras webs relacionadas cos asuntos dos que falas o buscador tende a ser xeneroso (se a xente non enlaza aos tes artigos, o normal é que non lles dea moito peso.

91. Marcus escrito o 26 de Novembro de 2008 ás 20:51

Pacha, eu gusto bastante das cámaras Canon (as IXUS saen bastante boas, e as EXILIM son moi delgadas e feitiñas) e das Fujifilm (as FINEPIX Z-20 están a un prezo bastante bo por aí), pero unha opción de compra moi interesante estes días é a Kodak M1033 que en sitios coma Carrefour está a 149 euros e bota fotos a 10 Mpíxeles e ¡grava vídeo en HD! A resolución dos vídeos é de 1.280 x 720 píxeles en progresivo, o que é realmente impresionante. A cámara non é ningunha marabilla (como todas as Kodak dixitais) pero pode dar moito xogo (pensa que agora ata YouTube deixa subir vídeo en alta definición, e as tarxetas de memoria SDHC están baratiñas: coido que o outro día vin unha de 8 GB a 16 euros).
Se o vídeo non é algo que che preocupe, comezan a aparecer cámaras tipo reflex por menos de 300 euros, e están bastante ben para tirar imaxes de calidade (neste caso os Mpíxeles non importarían, pois unha imaxe de 7 Mpíxeles cunha óptica boa se ve moito mellor que unha de 10 Mpíxeles cunha cámara compacta).
Ah, e sempre queda a opción de tirar por un dos móbiles de LG con cámara, que están bastante ben, e xa comezan a aparecer modelos de 5 Mpíxeles (os de 8 Mpíxeles, que os hai, non sei se chegarán a tempo para o Nadal). O comento porque ás veces é a opción máis práctica e económica (pola subvención das operadoras).

Sobre o Google Chrome, xa leva tempo por aí, e non está a ter moito éxito (aínda que está ben). A polémica é que agora están a negociar para metelo de serie en moitos equipos novos de marca (como agora tamén vén o Google Desktop) e, sumado ao feito de que o 88% dos cartos que ten a Fundación Mozilla veñen de Google… fan que o Chrome poida ser unha ameaza nada desexable para o Firefox.
Vaia, que a xente ten medo de que Google queira impor o seu navegador dun xeito. Lembremos que o Internet Explorer tamén era un navegador minoritario nos primeiros anos da web.

94. Marcus escrito o 4 de Decembro de 2008 ás 10:47

A min dende R non me pasa nada, aínda que hai uns días Google tivo problemas de conectividade e Gmail chegou a estar caído varios minutos, pero son cousas que pasan (non son graves se só son esporádicas).

96. Marcus escrito o 25 de Decembro de 2008 ás 21:29

Lauren, eu de ti fuxía de marcas coma Ahtec para un equipo destas dimensións, pois non destacan por unha boa ensamblaxe de equipos (e o soporte non é ningunha marabilla). Así pois, se non queres pasar moito dos 600 euros un equipo que podería estar ben sería un Asus X50GL con 4 Gb de RAM, 320 Gb de disco duro e pantalla de 15,4 polgadas por 611 euros ou un Samsung NP-R510-FA08ES con saída HDMI que sube o prezo ous 665,40 euros, ambos en APP; pero se podes permitirte chegar aos 699 euros, en PC City teñen Asus X71SL-7S062 (coido que só aceptan pedidos para este equipo vía web) con 4 Gb de RAM, 320 Mb de disco duro, pantalla de 17 polgadas, saída HDMI, tarxeta gráfica GeForce 9300 con 512 Mb de memoria e batería de 8 celas, ou sexa, un equipo escandalosamente superior aos anteriores por menos de 100 euros de diferenza.
Eu recoméndoche este último tanto polo tamaño da pantalla (lembra que en panorámico as pantallas son máis cativas, de xeito que teñen poucos píxeles en vertical, o que é incómodo para navegar pola web e utilizar certas aplicacións), a tarxeta gráfica cunha calidade aceptable e a boa batería. O porto HDMI non é imprescindible, pero se agradece, por se queres utilizar o portátil para reproducir unha película nun televisor dos novos (lembra que os cables HDMI de 6 euros dan a mesma calidade que os de 45 euros, sempre que non midan varios metros).

98. Marcus escrito o 27 de Decembro de 2008 ás 19:00

Xavier, o Asus de PC City que citei antes sae máis barato que os que pos ti (e ten pantalla de 17 polgadas) pero supoño que será simplemente polo prezo da tenda (igual se conseguen máis baratos noutros sitios).
Sobre Media Markt podo dicir que ten unhas condicións de devolución dos produtos francamente lamentables, e de PC City tamén oín malos comentarios do seu servizo de atención ao cliente (aínda que non poñen pegas para devolver cousas). Por outra banda, parece que o envío a domicilio de PC City funciona moi ben (polo que pedir pola súa web é unha opción recomendable) e na web teñen moitas ofertas que non están na tenda.
Sobre o Vista, teño que admitir que tralo SP1 é un sistema operativo magnífico, e o uso actualmente sen problema (¡incluso nun ultraportátil!) tras actualizar os controladores de todo e utilizando versións novas das aplicacións. Vaia, que o Vista dá problemas cando tes programas ou hardware que non sacou as actualizacións pertinentes (ou non as instalou o usuario). Como exemplo teño que a miña última tarxeta de tele/radio viña de serie cun software que non era totalmente compatible con Vista (o que me pareceu unha vergoña para un produto novo) e tiven que ir á web do fabricante para actualizar o programa, tralo que non me deu ningún problema. Dito doutro xeito: os culpables da mala sona do Vista non teñen nada que ver con Microsoft. Iso si, para que Vista vaia ben hai que ter máis de 1 Gb de RAM.
Ah, e ao mercar un equipo non a opción de montar XP xa non existe (agás que falemos dun netbook ou un nettop).

101. Marcus escrito o 28 de Decembro de 2008 ás 22:24

Vaia, o de Ahtec con XP debe de ser utilizando algún truquiño, pois nun principio Microsoft só oferta tal opción a través dun downgrade dunha licenza profesional de Vista, agás que o equipo sexa de baixas prestacións.
De Ahtec podo falar ben en equipos ultraportátiles (e incluso dos nettops), e os equipos potentes están moi ben en relación prestacións/prezo, pero teño un colega que me puxo podre o soporte que dan e o informais que son coas entregas. De todos os xeitos hai que recoñecerlles que fan algunha que outra cousiña interesante, pois teñen equipos coma os UMPC Tiny que contan cun público que ten problemas para atopar cacharros así.

103. Marcus escrito o 12 de Xaneiro de 2009 ás 17:01

Luisma, se o que queres é gastar poucos cartos, en APP teñen varios modelos dende 123 euros, pero de marcas non moi recomendables. Se que achegas aos 149 euros xa poderías atopar en case calquera lado monitores de LG e Samsung, aínda que dentro desta última marca o que me mola mogollón é o T220HD, que aínda que custa 299 euros inclúe sintonizadores de televisión analóxico e dixital, 2 HDMI, e entradas de vídeo de todo tipo, polo que podes aproveitar o monitor para ver a tele, conectar o DVD, a Wii, a Xbox 360 e toda canta ferranchada teñas por aí.
De Asus e de Acer tamén podes atopar bos monitores a bo prezo. Por exemplo, en PC City teñen un Acer de 23 polgadas Full HD a 169 euros.
Ao final dependerá para qué vaias usar o monitor. Se o queres para o monitor en exclusiva, o Acer que comento sería unha boa opción, pero se o queres para varios usos, o Samsung T2200HD sería ideal (nas versións de 24 e 26 polgas é Full HD, pero sae máis caro).

106. Marcus escrito o 17 de Xaneiro de 2009 ás 23:13

Xavier, a min ese Ahtec paréceme unha clavada. Sáeche moito mellor o ASUS X71SL-7S030C de PC City, que é máis barato (hoxe está a 759,05 euros), a súa pantalla é de 17 polgadas e mesmo conta con lector de Blu-ray (e aínda que carece de Bluetooth, si conta con Firewire). A súa batería tamén é moi boa.
Como curiosidade tamén pode interesarche o LG R510-GAP58B, que é menos completo, pero ten refrixeración líquida, polo que é menos ruidoso.
Eu iría a polo Asus sen dubidalo, e pasaría olimpicamente de meter 799 euros nun Ahtec, pois dan un soporte técnico lamentable (están ben cando buscas gangas).

108. Marcus escrito o 19 de Xaneiro de 2009 ás 10:22

Luisma, supoño que estás a falar de que cando minimizas programas tipo P2P, en vez de quedar na barra de tarefas aparecen coma iconas no systray (o espazo que hai á esquerda do reloxo do sistema e que tamén responde ao nome de área de notificación).
Esa opción está así por defecto en varios programas, pero na súa configuración (nas preferencias de cada aplicación) pódese modificar. En XP pode dar problemas nalgunha ocasión, pois se morre o proceso explorer.exe e se resetea o contorno de fiestras, pese a que as aplicaciós continúen activas, non hai xeito de volver a elas porque non aparece no systray (agás que fagamos algo que as force a volver a primeiro plano, o que é doado con aplicacións P2P pero non con outros programas). En definitiva, que o de minimizar no systray non é a mellor idea do mundo en XP (coido que en Vista non hai tal problema).

110. Marcus escrito o 19 de Xaneiro de 2009 ás 11:41

Por aí hai un script que di arranxar o asunto, aínda que a miña recomendación sería que o descargases e mirases os apartados do rexistro que toca (o ficheiro pódelo abrir con bloc de notas) para manipulalos manualmente (posiblemente chegue con tocar unha única opción).
Parece ser que ese erro non é infrecuente, e que se debe a que algún programa (¿virus, spyware, optimizador de Windows…?) tocou o que non debía.

113. Marcus escrito o 5 de Febreiro de 2009 ás 1:24

Luisma, iso é normal, e na meirande parte dos casos (sen coña) débese a que os grupos non respectan o copyright (tenden a ignorar que os seus temas non son realmente seus).
De todos os xeitos, non é o primeiro grupo que decide regalar a súa música na Internet e pór á vez o disco á venda (tanto en iTunes como nas tendas) co que pretenden que a xente que ía piratear o disco poida facerse cunha versión digna (e igual se animen a ir ao concerto), mentres que os fieis seguidores poiderían tamén contribuír a que o grupo poida seguir sacando máis álbums cunha achega económica ao facerse cos temas pasando por caixa.

A túa dúbida sería igual a preguntar: ¿cómo é posible que no videoclub aluguen unha película que botaron onte pola noite en La 2? Como ves, o modelo gratuíto (financiado con publicidade) e o de pago poden coexistir, aínda que tamén poden dar lugar a analoxías que fan escachar coa risa.

115. Marcus escrito o 5 de Febreiro de 2009 ás 10:11

Luisma, o dos prezos en iTunes é algo das compañías discográficas. Apple intentou baixalos, pero non lle deixaron, e agora incluso hai 3 niveis de prezo distintos (por imposición da Industria).
Apple preferiría ter moitas gangas, para atraer aos clientes (aínda que as novidades fosen algo caras) pero as discográficas non queren que haxa moita diferenza de prezo entre o CD e o MP3 para que non baixen os seus ingresos (aínda que a cadea de distribución e venda non vexa un can das vends dixitais, polo que en realidade incluso melloran os beneficios).

117. Marcus escrito o 5 de Febreiro de 2009 ás 14:26

É un dos grandes problemas da distribución musical. Sen ir a grupos musicais, se non houbese xente que se molesta en xuntar discografías completas para distribuílas polas redes P2P, moitos discos quedarían inéditos fóra do país de orixe de case calquera grupo.

120. Marcus escrito o 9 de Febreiro de 2009 ás 19:54

Luisma, abusa o que queiras.
O cable que dis non ten nada que ver co que buscas. Se queres conectar un portátil a un televisor por euroconector tes que usar a saída de vídeo do portátil, que non a teñen todos, e que normalmente ten forma de conector S-Video. Os portátiles que a teñen inclúen moitas veces un conector S-Video a RCA, e así por ese sinal podemos sacar o sinal de vídeo utilizando a aplicación de configuración da tarxeta de vídeo do equipo (que normalmente non deixa activar a pantalla secundaria ata que a conectemos).
Para o son precisaremos dun conversor de jack stereo a 2 RCA. Dese xeito, teremos 1 RCA para vídeo e 2 para o audio, que se poden conectar ao televisor directamente (se ten as entradas correspondentes) ou cun adaptador RCA a euroconector.
Se tes dúbidas, dime o modelo do teu portátil, para que mire se ten saída de vídeo (aínda que o conector é doado de atopar, pois sería o único redondo con pins ao máis puro estilo dos conectores PS2 do rato ou do teclado, e tería unha icona cun cadrado e unha frecha para indicar que é unha saída de vídeo).

122. Marcus escrito o 16 de Febreiro de 2009 ás 13:44

Brigantium, a min o Google Earth 5 non me da ningún problema, nin vexo que na Internet ninguén informe de fallos graves do programa.
O que si é posible é que o programa dea problemas gráficos, por culpa de non ter actualizado o DirectX ou ter unha tarxeta gráfica moi vella, xa que algunhas das capas empregan efectos atmosféricos (poden desactivarse en View->Atmosphere) e o seu debuxado corre a cargo da tarxeta gráfica do equipo.
Tamén podes probar a usar o programa en modo DirectX ou en modo OpenGL (aparecen ambas opcións no seu cartafol de menú coa súa correspondente icona).

124. Marcus escrito o 24 de Febreiro de 2009 ás 11:06

Melindom, ¿qué tipo de mensaxes son os que aparecen? ¿Son alertas que informan sobre que a túa copia de Windows non é legal ou son mensaxes claramente falsas? Porque nun caso trátase de desactivar unha medida de seguridade do sistema operativo (que se fai de moitos xeitos distintos) e no último deberías mirar de instalar un antivirus (o Avast! o podes descargar de balde) ou algún programa anti-troianos. Vaia, que sen máis pistas sobre o que che pasa é difícil botar unha man. Se queres, dáme detalles por e-mail.

126. Marcus escrito o 4 de Marzo de 2009 ás 21:21

Tonecho, temo que polo interior de Galicia estamos mal de opcións e, agás que contemos con R, só podemos optar polas promocións de ADSL dependentes de liñas de Telefónica, de aí que as boas ofertas que anuncian pola tele non estean dispoñibles (son para liñas segregadas do bucle de Telefónica). Vaia, que as marxes de aforro son pequenas.
Así, o seguro sería dicir que pilles un Dúo de Telefónica, pero son algo caros. Poderías optar por Ya.com, Orange ou Jazztel, polo que para comezar o máis recomendable sería esta última, pois actualmente carecen de compromiso de permanencia, de xeito que se o servizo é malo podes darte de baixa sen problemas (chámanlle Plan de Garantía). Actualmente teñen unha conexión de 7 Mbps a 36,95 euros/mes e outra de 3 Mbps a 32,95 euros/mes (sempre sen IVE e sen o custo de liña) e, aínda que 3 euros de diferenza pareza pouco, o certo é que é posible que a conexión de 7 Mbps non vaia a moito máis de 3 Mbps (sospeito que as liñas en Palas non son ningunha marabilla) polo que sería unha boa opción a de 3 Mbps (que tamén inclúe chamadas a teléfonos fixos). Ya.com ten unha oferta igual, pero cun contrato de 12 meses, polo que o desbotaría de vez. Orange dá 6 Mbps por 36 euros/mes (5 euros/mes menos que Telefónica), polo que tería a mellor relación velocidade/prezo, e aínda que ten compromiso de permanencia de 12 meses non o aplica o primeiro mes (ou sexa, que tamén podes probar esta opción).
No caso de que non teñas liña telefónica, a mellor opción que terías é contratar un Dúo de Telefónica, que se o pillas cun compromiso de permanencia de 12 meses sae de balde a alta (cando menos, se o pides vía web).

129. Marcus escrito o 1 de Abril de 2009 ás 13:22

Jajaja, é certo que a Rede está chea de estafas e bulos, pero hai que velos con humor. O das cachondas que viven en aldeas de preto da casa de cada un e que incluso son de razas diversas (¿?) sorprende a calquera, pero mentres non aparezan alieníxenas eu non me preocuparía.

131. Marcus escrito o 16 de Abril de 2009 ás 19:42

Luisma, o asunto incluso saíu hoxe no Telexornal da TVG.
Aínda así, non parece ser algo que se poida arranxar con mobilizacións cívicas (coido que hai que actuar xudicialmente, para evitar o dumping do leite).

133. Marcus escrito o 20 de Abril de 2009 ás 12:29

Luisma, Vodafone vai vender o HTC Magic (un HTC Dream sen teclado) en 2 semanas no Reino Unido (a data de chegada a España aínda está sen anunciar, pero supoño que será case a mesma).
De todos os xeitos non recomendo mercar aínda terminais con Android, porque estamos ante os primeiros modelos, que teñen moito que mellorar, e apenas teñen software. O Android poderá ter algo que dicir de cara a 2010, pero polo momento só son unha plataforma emerxente con terminais ladrillo.
Coido que estamos nun mal momento para mercar móbil, pois no verán van chegar moitas novidades: o novo iPhone (que podería levar a algúns a actualizar o móbil), os móbiles con Windows Mobile 6.5 (que comeza a ser un sistema operativo decente, aínda que igual ata o WM7 non temos unha plataforma realmente boa) e algún dos terminais anunciados no Mobile World Congress de Barcelona (pois apenas chegaron modelos ao mercado). Por exemplo, se hoxe pillas un Omnia cun compromiso de permanencia de 18 meses e dentro de nada ves a mesma oferta cun Omnia HD… de seguro que pillas un bo cabreo.

136. Marcus escrito o 20 de Abril de 2009 ás 17:15

Luisma, hai rumores de que operadoras coma AT&T están a renegociar a ampliación da exclusividade, pero parece que Apple podería optar por abrirse a máis operadoras cos novos modelos, para ampliar mercado.
En EE.UU. o feito de estar con AT&T é todo un problema (ten moi mala cobertura en cidades coma New York), e sospeito que en España pasa algo semellante con Movistar (compañía que non anunciou publicamente as condicións do seu contrato con Apple), non pola cobertura, senón porque os maqueiros son anti-Telefónica na súa maioría.
Outro motivo para evitar a exclusividade de Movistar podería ser que na práctica non é unha exclusiva real, pois xa hai tendas que mercaron terminais do iPhone libres noutros países europeos para vendelos logo aquí con outras operadoras, o que podería ser totalmente legal (os avogados de Telefónica están a estudar o caso).

138. Marcus escrito o 4 de Maio de 2009 ás 2:57

Rubén, vese que o tes bastante claro. Eu diría que o prezo é bastante bo, porque o equipo é bastante completo e ten a garantía de Toshiba (que inclúe recollida e entrega no domicilio durante 2 anos), pero non só poría pegas pola tarxeta gráfica, senón tamén polo procesador, xa que sería un Dual Core en vez dun Core 2 Duo, e iso afecta bastante ao rendemento.
Eu de ti gastaría 49 euros máis, e pillaría o Fujitsu Siemens Amilo Pi 3540 que teñen en PC City a 548 euros (603,50 euros en APP) con procesador Core 2 Duo e tarxeta gráfica nVIDIA GeForce 9300M GS con 256 Mb de memoria dedicada. A diferenza de prezo é moi pequena, pero en funcionamento nótase bastante (e en autonomía tamén deberían notarse, pois o de Fujitsu xa ten tecnoloxía Centrino 2).

Ah, e se non pon a cantidade de memoria dedicada da tarxeta de vídeo do equipo de Toshiba o normal non é que sexa de 128 ou 256 Mb, senón de 0, precisamente de ahí ven o de compartida, que normalmente quere dicir roubada da RAM (o que con 4 Gb non é moito problema, pero normalmente supón unha velocidade menor).

140. Marcus escrito o 15 de Maio de 2009 ás 18:15

Luisma, coido que a Movistar marcáronlle todo un gol, pois a xente está a preferir o HTM Magic ao HTC Dream. Iso si, a batería póñena a parir en todas partes, o que é un problema bastante grave.
Agardemos que o resto de terminais (que non sexan de HTC) estan aínda mellor, e así a cousa poderá pórse interesante (pois aínda falta moito para que pillen ao iPhone en aplicacións e chorradiñas).

142. Marcus escrito o 19 de Maio de 2009 ás 21:30

Luisma, a preinstalación do teléfono fixo dependerá principalmente de se hai previsión de ter acceso ao servizo de telefonía por redes fixas ou por WiMAX. De non ser así, sería tirar os cartos.

De non contar con acceso á Internet de banda larga polos métodos mencionados, unha das mellores opcións que hai hoxe é a tarifa plana de Simyo a través de 3G, pois cobran só 24,99 euros/mes por 5 Gb de transferencia por HSDPA, que unha vez superados pasan a 128 Kbps de velocidade (sen sobrecusto), aínda que funciona coa rede de Orange, polo que antes cómpre comprobar a cobertura (o que non é moito problema porque a tarifa non ten compromiso de permanencia). Este tipo de conexión sirve para ver webs e ler o correo, pero esquece as desargas P2P (para iso é imprescindible contar con ADSL ou cable, pois no resto de casos capan as conexións). Eu téñoa contratada en Melide, para ter acceso durante as fins de semana, e conectei o modem 3G a un router Asus (a nova Fonera tamén conta con esa posibilidade), de xeito que comparto a conexión co meu irmán. Vai bastante ben excepto en momentos puntuais (a fin de semana anterior a Semana Santa quedamos sen conexión).
No caso de problemas de cobertura, Vodafone ten unha tarifa semellante por 49,95 euros, da que parece haber moitos usuarios satisfeitos.

Sobre o de combinar a oferta con Digital+, as que lanzaron non pagaban moito a pena (de feito, Digital+ non merece moito a pena de xeito xeral). Iso si, non as confundas cos Tríos de Telefónica, que eses paquetes están asociados a liñas ADSL.

144. Marcus escrito o 21 de Maio de 2009 ás 11:09

Luisma, logo iso sería WiMAX. Nun principio o WiMAX ofrécencho cando solicitas a alta de telefonía fixa e ADSL e non tes cobertura de Telefónica pero si de tal tecnoloxía, de xeito que a operadora de turno cobra como un ADSL (39 euros/mes) pero dá unha conexión bastante máis limitada (coido que van a 512 Kbps, aínda que poderían dar velocidades moito máis altas). Pero desas cousas tes que preguntar a Telefónica, porque cada caso é distinto (todo depende de se estás nunha zona subvencionada polo PEBA).

146. Marcus escrito o 5 de Xuño de 2009 ás 12:20

Coma o Places Directory tamén hai aplicacións para o iPhone, e cada vez aparecen máis para distintas plataformas móbiles, en boa medida pola integración de GPS nos terminais, polo que os vindeiros anos o que van marcar e a desaparición absoluta das guías de Páginas Amarillas en papel.

148. Marcus escrito o 6 de Xuño de 2009 ás 0:56

Rubén, sorpréndeme que abran unha PC City en Vigo cando están a pechar tendas no resto de España (iso lévame a pensar que as tendas de Coruña e Santiago están a dar beneficios) e supoño que os primeiros días haberá algunha oferta. De todos os xeitos recomendo mirar sempre antes na web, porque moitas das ofertas ó son on-line… (incluso con recollida en tenda).
Sobre o equipo, supoño que ata uns días antes de que o vaias pillar é difícil tomar unha decisión. Iso si, teño entendido que os equipos que veñan con Windows Vista a partir do 1 de xullo terán unha actualización de balde a Windows 7, o que sería un elemento a ter en conta á hora de decidir a data na que merques o equipo.
E sobre a RAM, aviso de que e montas un S.O. de 32 bits só vas poder utilizar 3 Gb de RAM, polo que andar pagando por máis de 4 Gb de RAM é unha chorrada (agás que teñas pensado montar Windows 7 de 64 bits).
Coa tarxeta gráfica, con 256 Mb de memoria dedicada a cousa tamén vai bastante ben, polo que deberás ponderar no momento se paga a pena a diferenza de prezo con 512 Mb de memoria dedicada (depende de ofertas puntuais).
Eu nun detalle que procuraría fixarme sería na resolución de pantalla, pois algúns modelos teñen resolucións moi baixas, e resultan incómodas para traballar con algunhas aplicacións. Tamén está o detalle da batería, pero iso é todo un mundo (depende moito de se pensas usalo enchufado á corrente ou levalo a todas partes).

150. Marcus escrito o 8 de Xuño de 2009 ás 15:01

O Nokia N97 é o novo buque insignia de Nokia, que vai chegar a España tanto con Movistar coma con Vodafone (aínda que neste último caso hai que esperar ao 1 de xullo). O terminal é completísimo (pantalla de 640 x 360, A-GPS, compás, HSDPA, Wi-Fi, cámara de 5 Mpíxeles con gravación de vídeo, conector para auriculares estándar, 32 Gb de memoria interna ampliable con tarxetas microSD e unha boa autonomía).
Segundo o consumo que teñas ao mes pode chegar a saír a bo prezo, aínda que polo xeral sairá caro.
¿Defectos? É bastante gordo e pesado (en boa medida, polo teclado QWERTY), a súa pantalla é resistiva (prefiro as capacitivas) e o sistema operativo dos smartphones de Nokia non convencen a todo o mundo.

153. Marcus escrito o 9 de Xuño de 2009 ás 13:02

Luisma, mirarei de dedicarlle unha entradiña á merda esa do iPhone 3G S. Eu esperaba algo máis para renovar o meu terminal, pero visto o visto… supoño que botarei unha ollada ao que ofrecen o resto de fabricantes.
Os analistas xa andan a dicir que os poucos cambios indican que para o ano que vén presentarán un iPhone totalmente novo.

155. Marcus escrito o 12 de Xuño de 2009 ás 2:40

Eu emprego Simyo as fins de semana en Melide, e agás cando hai algunha incidencia, vai moi ben. Emprega a cobertura de Orange (en Melide non é mala) e custa 24,99 euros/mes por 5 Gb de transferencia (ao superalos a velocidade pasa dos 3,6 Mbps a 128 Kbps). É sen dúbida a mellor oferta do mercado (e tamén ofertan un modem USB libre por só 39 euros), coa vantaxe adicional de que non ten compromiso de permanencia (se vai mal, cambias de compañía e listo).
No caso de que nas zonas onde se mova a túa moza non haxa boa cobertura de Orange, a mellor opción é directamente Vodafone, pues é a operadora que dá o servizo de máis calidade nas comunicacións de datos, aínda que o cobra ben. Iso si, Vodafone permite contratar unha especie de combo ADSL+banda larga móbil que tamén resulta moi interesante.
Algo que tamén hai que pensar é se realmente queremos unha tarifa plana para o portátil, pois para o móbil estas tarifas son moito máis baratas (normalmente entre 10 e 15 euros/mes) polo que se temos un smartphone podemos continuar estando conectados e á vez aforramos uns cartiños ao mes.
Ah, e nin R nin Orange teñen boas ofertas de banda larga móbil. Unha mágoa, pero é así.

158. Marcus escrito o 13 de Xuño de 2009 ás 18:22

Luisma, posiblemente non. Para poder contratar ADSL+3G tes que ter cobertura de ADSL, ou sexa, que en realidade son dous servizos distintos, pero facturados en conxunto. Non coñezo os detalles da oferta coñecida comercialmente coma Internet Siempre Contigo pois aínda que nun dos blogs oficiais da compañía na súa web non aparece.
Polo que vin, dá a impresión que temos un ADSL de 6 Mbps + unha banda larga 3G por 68,9 euros/mes, o que semella un prezo competitivo (sempre que inclúa IVE e liña telefónica). A oferta tamén incluiría chamadas a teléfonos fixos e móbiles (aínda que estes últimos, con certas limitacións).

160. Marcus escrito o 8 de Xullo de 2009 ás 17:28

Rubén, o equipo non está nada mal: completo e a bo prezo. ¿Que tal de autonomía?

163. Marcus escrito o 11 de Xullo de 2009 ás 19:59

Rubén:

É difícil (e pouco recomendable) usar XP nun equipo moderno, por non contar con drivers actualizados (e moitas veces, nin con drivers). Eu de ti instalar en arranque dual Windows Vista e o Windows 7 RC de 64 bits (para que aproveite toda a RAM). Cando o Windows 7 saia en octubre, poderás actualizar o Vista (supoño que co equipo novo terás unha especie de vale por unha actualización de balde), pero mentres podes fozar coa Release Candidate do 7 (que vai bastante ben).

165. Marcus escrito o 15 de Xullo de 2009 ás 18:56

Rubén: Si, diches no cravo. Precisamente por iso recomendábache pillar a versión de 64 bits de Windows 7 (podes descargar a RC de balde).
Ata o momento as versión de 64 bits non compensaban porque poucos ordenadores tiñas máis de 3 Gb de RAM e eran menos compatibles, pero o Windows 7 inclúe modos de compatibilidade bastante ben feitos.
Vaia, que a xente vai flipar bastante nos próximos meses polo problema que detectaches. Moitos pensarán que os tangaron na tenda, cando a limitación está no sistema operativo e non no hardware.

167. Marcus escrito o 6 de Agosto de 2009 ás 15:19

Todoconsolas é un mal sitio para mercar consolas, pero coido que cando dis que non teñen Xbox 360 flasheables falas do xeito doado (e de balde). Ou sexa, que agora, non chega con conectar a consola ao PC e reflashear, senón que hai que tirar de soldador, proceso que si que fan en Todoconsolas. Coido que poden actualizar todos os modelos de Xbox 360, só que cos modelos novos (os vellos son case imposibles de atopar) hai que pasar por caixa (40 euros) mentres que cos anteriores a cousa saía de balde.
Sobre onde mercar a consola, coido que en todas partes o modelo Arcade está a 179,95 euros, aínda que igual interésache mirar en varias tendas por se hai ofertas con algún xogo (por exemplo, por 199,98 euros en Gamestop teñen a consola co Lips e os micrófonos, o que é unha boa oferta se gustas dos xogos musicais).

169. Marcus escrito o 6 de Agosto de 2009 ás 23:40

Si, claro que cobran por todos os flasheos, só que cos modelos de hai máis dun ano e medio só era preciso abrir a consola e conectar o DVD ao PC, mentres que nos modelos novos hai que facer algo semellante a chipear. Ata hai uns meses non podían facer nada cos modelos novos, pero cambiou hai pouco o conto (de feito, hoxe mesmo incluíron un novo modelo de lectora de DVD na web de Todoconsolas).

171. Marcus escrito o 1 de Setembro de 2009 ás 19:53

Alberto, hai que ter en conta que Twitter e Facebook xa teñen anos,e poden evolucionar (como tamén aconteceu cos blogs). Posiblemente a nova tolería podería ser Google Wave (pero aínda tardaremos bastantes meses en ver tal tecnoloxía na rúa) ou algunha plataforma orientada ao seu uso dende o móbil (as tarifas planas de datos dende o móbil deberían imporse aos SMS). De todos os xeitos, teño a bola de cristal escarallada… seica polo apagamento analóxico

173. Marcus escrito o 13 de Setembro de 2009 ás 12:57

Tonecho, dado que teño probado este blogue dende moitos navegadores e equipos entendo que o problema está no teu ordenador, e moi posiblemente no engadido de Flash, que o podes ter mal instalado. ¿Funciónanche os vídeos? Supoño que non, e que aí está o problema. Se vas á páxina web de Adobe podes instalar unha nova versión do Flash e saír de dúbidas.

176. Marcus escrito o 22 de Setembro de 2009 ás 19:37

Galiciandreamer, o certo é que de 32 polgada podes atopar bos televisores de case calquera marca. Eu compararíaos en persoa antes que por características técnicas, pero habitualmente os que dan unha imaxe máis agradable son os Sony BRAVIA. Tamén son bastante bos os LG Scarlett. Na mesma liña os televisores de Philips son equiparables, cun prezo máis económico (ou esa foi a impresión que me deu).
Dependendo do lugar onde vaias a colocar o televisor, un detalle que tamén pode ser interesante mirar é cómo reacciona aos reflexos (algunha pantalla vese realmente mal preto dunha fiestra, por dar un exemplo).
O que non entendo moi ben é por qué buscas un televisor de 32 polgadas con tantas prestacións, pois nese caso custa practicamente o mesmo un televisor de 37 polgadas (supoño que será limitación do lugar onde vas colocar o televisor).

178. Marcus escrito o 23 de Setembro de 2009 ás 11:50

Iso das Philips máis baratas supoño que sería algo puntual. Ah, e os modelos que vin eran sen o Ambilight, que segundo vexo encarece bastante os televisores. O modelo no que me fixara (o 32PFL5604H) custa 599 euros, sendo equiparable a un Sony BRAVIA de 649 euros, pero hai que admitir que non son televisores baratos, pois por eses cartos podes pillar un de 37-40 polgadas.

180. Marcus escrito o 15 de Novembro de 2009 ás 21:41

Blanco, dentro dese rango de prezo poderías optar por unha nVIDIA GeForce 9500GT, como as que teñen en APP por 48,50 e 56,80 euros con nada menos de 1 Gb de memoria. A máis cara destaca por ter saída de televisión analóxica, o que podes agradecer en certos casos.
Supoño que ao actualizar a tarxeta o que notarías principalmente con respecto da túa ATI Radeon actual sería unha mellora nas texturas nos xogos, así coma no feito de poder activar algún dos típicos efectos das tarxetas nVIDIA (normalmente prefíroas ás ATI).

182. Marcus escrito o 5 de Marzo de 2010 ás 21:58

Josiño, coido que co blackra1n non terás problema en facer jailbreak co novo firmware, pero metiñes a zoca ao actualizar (cada vez que actualizas sen coidado nos iPhone actuais vas pechando portas de cara ao futuro). Eu coma teño o iPhone 2G non teño ningún problema dese tipo (é un terminal moi vulnerable pero os 3GS teñen unha protección moi superior).
O grande problema da actualización da baseband non está no jailbreak senón na liberación, aínda que teño entendido que a baseband 05.12.01 ten un fallo de seguridade que permitiría liberar o iPhone 3GS tras a actualización, pero non queren publicalo ata que saia o novo iPhone 4G (ou como sexa o seu nome) para ver se non corrixen o fallo, e así poden aproveitalo en ambos modelos. Vaia, que actualizar a cegas podería ter graves consecuencias (coma non poder usar o móbil con outra operadora durante case medio ano).

184. Marcus escrito o 6 de Marzo de 2010 ás 19:00

Josiño, se non vas a usar outra operadora, logo podes facer jailbreak, aínda que coido que dá problemas de cando en vez (ou sexa, que ás veces tes que volver a facer a operación de jailbreak porque o terminal queda parvo).

186. Marcus escrito o 12 de Marzo de 2010 ás 1:06

Sei que ten páxina en Facebook e que posiblemente teña outra hora de emisión.
Por desgraza, dende o meu barrio non podemos pillar Localia ata que a incorporen a R (posto que recibimos o sinal televisivo de Penamoa e non dende Bailadora, ou iso teño entendido). Teñen planeado subir os programas a YouTube, aínda que non será dende o primeiro momento.