Dende ZonaDVD anuncian que o vindeiro 23 de abril sairá en España a primeira tempada da serie de televisión de He-Man en formato DVD, o que para min resulta toda unha sorpresa, especialmente tendo en conta que xa hai unha serie nova cos mesmos personaxes.

33 episodios repartidos en 7 discos dentro dun estuche realmente atractivo e coidado, que poderá facer as delicias dos nostálxicos que non se ofendan pola animación rudimentaria deste tipo de series de televisión que non pretendían máis que promover bonecos (coma tamén pasou no seu día coas Tartarugas Ninja, os Transformers ou G.I. Joe).

No pack de DVD sorprendeume ver cómo se inclúen nos extras unha reportaxe sobre Straczynski (a quen adoro por coleccións de comics magníficas coma Midnight Nation), pois non sabía que guionizara 8 episodios da serie de He-Man y los Masters del Universo.

Dende ZonaDVD tamén destacan que a colección incluirá a dobraxe en español neutro, ou sexa, que non sei se sería a que corresponde á seguinte cabeceira (que é a que lembro):

En YouTube hai outra cabeceira que sospeito que aparecía en VHS ou nalgunha outra edición, porque de fondo se escoita unha canción («el universo está protegido por el poder de Grayskull…») que sabía de memoria un curmán meu cando era pequeno (e a min non me sonaba de nada pese a que debín ver a serie enteira no seu día):

¿Alguén me pode ilustrar sobre a dobraxe da serie? ¿De onde saíu a segunda dobraxe? ¿Chegará a España a dobraxe que realmente se emitiu por televisión ou porán a dobraxe sudamericana?
¿Por qué non inclúen a dobraxe en galego? Porque se non me falla a memoria, a serie a emitían pola TVG. ¿Só se ceden as dobraxes de Shin Chan e outras series que provocan a mobilización social? Pois tamén as series casposas merence terse en consideración, ¿eh? (Doutor Who en DVD, ¡xa!).

Hoxe vin en Chuza! que o xenial Rober Bodegas xa ten blogue, e para os que non o coñezan, publico aquí unha selección dos seus monólogos:

Ver o resto dos monólogos ▼

Agora só me resta agardar ó 23 de marzo, para poder ver a Rober Bodegas en persoa na Sala 600 de Melide.

Hai un meses vira un vídeo dun rapaz que era capaz de imitar as voces de 100 personaxes de televisión, que me deixara alucinado:

Pero ó descubrir que o tío podía imitar outras 100 voces máis… quedei flipado de todo:

Con xente así supoño que o mundo da dobraxe profesional será moi fodido.

Un dos vídeos máis populares dos últimos meses na Internet, con perdón de Rodolfo Chikilicuatre, foi o da canción de Sarah Silverman no programa televisivo do seu mozo, Jimmy Kimmel:
E agora xa hai un contraataque, no que Kimmel devolve a xogada:
Quitando a coña en si, é impresionante a cantidade de famosos que colaboran no vídeo en plan We Are The World. Eu recoñezo a Ben Affleck, Brad Pitt, Harrison Ford, Cameron Diaz, Joan Jett, Robin Williams, Meatloaf e ó fulano que facía de McLovin en Supersalidos, aínda que a calidade do vídeo en YouTube non axuda moito a distinguir as caras (teño entendido que as louras que saen ó principio do coro son Christina Applegate e Rebecca Romijn, pero eu só vexo unha chea de píxeles revoltos).
Non sei cómo é posible que tantos actores colaboren nunha coña para un programa de televisión, pero supoño que non farían tal se non fose polo exitazo que supuxo o anterior vídeo en YouTube.
¿Serán capaces de facer unha réplica semellante na televisión española en programas coma o de Buenafuente?

O pasado venres, co gallo da apertura das aplicacións máis populares de Microsoft á interoperabilidade, publicáronme en La Voz unha pequeniña columna de opinión.
Quixera aclarar que algúns medios publicaron que Microsoft abría o código fonte dos seus programas, pero o que en realidade difundirá será a API dos mesmos, ou sexa, as especificacións que permiten comunicarse entre as distintas aplicacións.
Nun principio Microsoft se compromete a:
- asegurar a comunicación aberta
- promover a portabilidade dos datos
- mellorar o soporte de estándares da industria
- fomentar a relación entre usuarios e industria, incluíndo as comunidades de código aberto
Iso quere dicir que vai ser doado que os programadores fagan engadidos para o Office (entre outras moitas cousas) polo que se poderá incorporar o soporte de formatos abertos, aínda que me dá no nariz que os que tirarán máis proveito desta posibilidade serán os creadores de software a medida, pois terán máis doado facer produtos que se entendan con aplicacións de Microsoft.
De tódolos xeitos hai que lembrar á xente que o que está a facer Microsoft é unha obriga imposta pola Comisión Europea. Microsoft tiña unha vantaxe competitiva para desenvolver aplicacións para Windows, pois non publicaban tódalas especificacións da súa plataforma, e agora a cousa cambia, e se equilibra o mercado… aínda que moi tarde. ¿De qué serve agora que outras aplicacións ofimáticas poidan funcionar mellor baixo Windows cando Microsoft xa domina o sector).
Tamén cómpre indicar que esta apertura xa se practicaba cos partners, ou sexa, cos amiguiños, de xeito que podemos entender que Microsoft quere ter máis amigos, o que nun principio é mellor para todos.

Hoxe en La Voz publican a seguinte nova:

El «Jocker» de Heath Ledger, en muñeco

Mattel pondrá a la venta dos versiones del personaje que ha interpretado el recientemente fallecido actor australiano.

La empresa de juguetes Mattel lanzará muñecos con la imagen del «Jocker», el personaje que ha interpretado Heath Ledger en la nueva entrega de Batman, The Dark Knight. El juguete estará a la venta a partir de mayo en dos versiones: Una más pequeña, que costará ocho dólares en Estados Unidos, y otra de 11 dólares.

Antes de lanzar el muñeco, la empresa ha pedido el visto bueno de la familia del actor ya que las figuras forman parte del merchandising y promoción que acompaña la película.

El actor australiano ha muerto en enero en Nueva York, pocos días después de rodar la película.

Estou un pouco molesto porque chamen Jocker ó Joker, pois é como as moitísimas veces que na prensa falan da serie de televisión Star Treck. Vese que son alérxicos ós K como consoantes independentes.

Deixando isto aparte, está visto que xa comeza a explotación dunha morte con carácter comercial, pues están a conseguir moita publicidade gratuíta da nova película de Batman. ¿De verdade é isto unha nova digna dun xornal? Se Ledger non morrera non sairía en La Voz que sacarán bonecos dos personaxes da película, nin dirán a parvada de que pediron permiso á familia do actor, pois iso non é máis que un trámite para dar que falar pois o permiso xa o tiñan de Ledger en vida (no contrato coa Warner para facer a película tamén estaría incluído o tratamento dos produtos relacionados).

Témonos que preparar, porque cando se estree a película ímonos fartar de ver imaxes de amigos e parentes de Ledger chorando a súa morte. Agardo que a demagoxia non faga que lle dean un premio póstumo ó actor (aínda sen ver a película estou certo de que Ledger non chegará nin á sola dos zapatos de Jack Nicholson, pese a que gusto máis desta caracterización máis escura).

A tenda coruñesa Nicetrip vai liquidar as camisolas de tempadas pasadas a 12 euros para facer sitio á nova tempada:

¡Hai que aproveitar a ocasión! A primavera está preto, e esta é unha ocasión excelente para facerse con algunhas das prendas que deseña Antón.