Dende Por Una Navidad Auténtica (da axencia Love Publicidad) chega unha canción moi especial para ese chiquirritín que tódolos frikis adoramos:
Se tivese unha espada de luz de verdade iría a cantar esta panxoliña agora mesmo… ¡snif!

O outro día Fer informoume de que a WWE ía vir a Coruña, o que me sorprendeu bastante, e que ratificaría o feito de que o Pressing Catch volve a estar de moda (aínda lembro os tempos de Cuadrilátero na TVG).
O evento que chegará ó Coliseum coruñés será o Wrestlemania Revenge Tour e a data elixida será o venres 18 de abril de 2008 ás 20:00 horas, vendéndose as entradas a 25, 42, 60 e 80 euros. Véndese en El Corte Inglés e en Tick Tack Ticket, e parece ser que xa venderon moooitas entradas pese a que falta moito para o espectáculo.

Os loitadores que virán serán Randy Orton, Triple H, Umaga, Jeff Hardy e moitos máis (supoño que o resto serán pouco coñecidos). Boto en falta a algunha das grandes estrelas (John Cena, Rey Mysterio, La Bestia Batista, El Enterrador…) e quixera saber se os comentaristas de Cuatro narran estes eventos en directo (o que daría moito xogo).
¿Alguén ten máis detalles sobre o que promete ser o evento máis friki da primeira metade de 2008?

O pasado venres boa parte dos zappineiros nos xuntamos na tenda Play de A Coruña para un directo do noso programa de radio favorito, no que foi un encontro multitudinario.
A xente que escoitase o programa dende a casa tivo que flipar, porque ó non estar presente no directo se perdeu o 80% da diversión, que en boa medida quedou marcada polos sorteos/concursos que contaron coa inestimable colaboración de Roli:

Os sistemas de elección de participantes foron do máis absurdo que se veu nunca: preselecionándose grupos de persoas con algunha prenda de roupa vermella, co DNI caducado, con máis de 9 chaves ou con medicamentos enriba para logo elixir ós finalistas cun mecanismo semellante ó xogo dos chinos, pero empregando o resultado numérico para contar ata a persoa seleccionada:

Tamén se repartiron folios para que a xente escribira o seu nome e o lanzase a unha cesta que sostiña Txuri (unha mágoa que lle pixelase o careto, porque é de película):

Un dos mellores momentos da velada foi cando os Macois escenificaron un conto con bonecos de verdade, como a Princesiña que mercaba en Breshka ou o Príncipe que levaba uns desfibriladores para espertala do feitizo da meiga que lle dera unha mazá (obtida nun dos concursos do programa) envenanada:

En definitiva, un programa divertidísimo para os que asistimos ó directo, e que podemos rememorar grazas ó podcast:

Audio clip: Adobe Flash Player (version 9 or above) is required to play this audio clip. You also need to have JavaScript enabled in your browser.

NOTA: Como andabamos con presa, non puiden comentar na miña sección un detalle curioso, as mensaxes SMS que van a estar de moda estes días. Velaquí van algunhas:

• ¿Has comprado ya el regalo de estas navidades? Lo que va a triunfar son los muñecos de los duques de Lugo… Se venden por separado ¡Felices Fiestas!
• En estas fechas de paz y amor la SGAE te recuerda que a partir de 2008 todo lo relacionado con la Navidad lleva canon. ¡Gracias a todos y Feliz Año!
• Para esta Nochebuena no te pongas tacones, no es cuestión de que también suba el conejo. ¡Felices Fiestas!
• Hola Hugo. O te callas o no te felicito estas navidades (J.C. Rey de España).
• Zapatero informa: “El dinero no da la felicidad”. Rajoy contesta: “¡Claro, con estos precios…”
• El Gobierno recomienda comer conejo esta Navidad. Haz Feliz a un conejo y dale una zanahoria para que él también se coma algo. Feliz Nochebuena del conejo.

¿Son eu o único que vendo imaxes do vindeiro Grand Theft Auto IV pensa que o protagonista é Toñito de Poi? ¿Terá a Banda de Poi un tema na banda sonora de GTA IV?

Mañá terá lugar na tenda Play de A Coruña (sita na rúa Federio Tapia, nº 43, xusto debaixo da Praza de Vigo) a emisión en directo do programa de radio Zapping, estando o evento aberto ó público (que deberá chegar ás 19:30 horas para poder acomodarse) no que será unha velada chea de emocións, sorpresas e agasallos (doados pola tenda, e entre os que está algún que outro iPod). ¿Poderédevos resistir a asistir?

Mentres non chega a festa de Zapping para despedir o ano, recoméndovos pasar polo podcast para repasar os programas anteriores. Tamén os podedes engadir a iTunes para que Txuri e Antón cheguen de xeito doado ó voso iPod ou iPhone
Para quecer os motores, déixovos co programa do pasado día 7 no que anunciaban o directo en Play:

Audio clip: Adobe Flash Player (version 9 or above) is required to play this audio clip. You also need to have JavaScript enabled in your browser.