Mentres ninguén demostre o contrario, o fulano que sae na fotografía é o paspán do ano. ¿Por qué o digo? Pois porque o figura entrou nas oficinas de WorkSpace e supostamente roubou un ordenador iMac, deses que teñen unha webcam integrada na pantalla, e non se lle ocorreu outra cousa que tirar unhas fotografías coa mesma, sen decatarse de que o equipo tiña asociada a aplicación fotográfica cunha conta de Flickr, polo que a imaxe apareceu na Internet, e dou por sentado que a estas horas debe de estar máis que localizado pola Policía de Vancouver.
Incluso foi rexistrado polas cámaras de seguridade da compañía, así que estariamos ante un dos peores ladróns da historia da humanidade. Supoño que nas vindeiras horas os propietarios poderán recuperar o seu ordenador (¿ou se gardará coma proba ata o xuízo?), pero igual o ladrón sae indemne alegando que é parvo redondo

Fagamos un experimento. Metamos nunha licuadora a Miguel Ángel Martín, Marilyn Manson, Tim Burton, o Dance Dance Revolution para Dreamcast (ou unha edición de We Love Katamari) e a Rob Zombie e, ¿qué sacamos? Pois ó vídeo Wrong Time da cantante SMatka:
Coido que o clip é indescriptible, cunha sucesión de frikadas e fetichismos que poderán pasar á historia dos excesos, onde non falta nin un fulano cunha máscara de Batman (?). A SMatka tampouco se corta en directo, e este vídeo, que subín a YouTube a primeiros do verán, xa chegou ás 2.696 reproducións sen telo publicado no blog, polo que supoño que a fulana esa debe de ter certa sona por Alemaña. ¿Alguén sabía quen era?

Adrián de Bloqnum proponme seguir un meme no que hai que elixir a entrada favorita deste blogue, e a verdade é que resulta unha tarefa moi complicada, pois os criterios podería ser moi diversos. Así, o de me cagho nas estrellas foi un dos que tivo máis éxito en plan coña, mentres que un dos que me fixo máis ilusión no seu día foi o de que Hai un galego na Rede porque o tiña programado para que saíse automaticamente durante a miña intervención en Enredad@s, o que o converteu case nunha presentación en tempo real a través do blogue (botei unhas risas cando no medio da intervención Roberto Noguerol, Lage se puxo a mirar este espazo e veu que xa tiña a presentación publicada), pero se teño que elixir unha entrada significativa, coido que non habería dúbida: o meu prognóstico para as eleccións municipais en Melide.
¿Por qué? Pois pola súa influencia, pois achegou moitísima audiencia melidense, que xerou centos de comentarios a través de moitas entradas ata hoxe, creando un debate na Internet sobre a actualidade política de Melide, o que me pareceu moi positivo. Nun principio os blogueiros melidenses xa frecuentamos os nosos respectivos blogues, pero co gallo das eleccións moitas persoas que estaban afastadas do Blogomillo veron que na Rede se podía falar libremente destes temas, e desexo que só sexa o punto de saída de moitas outras iniciativas na Internet dende unha vila que ata o momento ten pouca presenza dixital.

Por suposto que tamén tería que destacar as entradas relativas ó programa de radio Zapping, pero ó non haber ningunha que sexa especialmente representativa supoño que ese predilección a deixarei para o mundo real

Non sei se alguén máis se animará a seguir este meme, pois é bastante farragoso, xa que lembra á típica pregunta de: “¿A quen queres máis? ¿A papá ou a mamá?”.

Aínda que a penetración da Internet non sexa moi boa en Melide, e as boas ofertas de ADSL continúen sen chegar á vila (seguimos a pagar máis por 1 Mbps do que nas cidades pagan por 20 Mbps), teño que admitir que me pareceu boa idea iso de que algúns locais de hostalaría se incoporasen á Free-hotspot.com, que para quen non o saiba, é a mesma plataforma que permite conectarse á Internet sen fíos á beira do río Támesis.
Polo momento só hai dúas cafeterías adheridas á iniciativa, que son:

• A Tenda Xusta
  Calle San Pedro, 5
  Melide, Galicia 15800 ES
  Telf. 981 507667
• Cafe Xanela
  Avenida Martin Freire 10
  Mellid, Galicia 15800 ES
  Telf. 981 505394

Non acabo de entender por qué unha está en Melide e a outra en Mellid, pero o caso é que hai a posibilidade de conectarse á Rede cos portátiles ou cos novos terminais Wi-Fi ( iPod Touch, iPhone ou moitos outros teléfonos intelixentes, así como con consolas de videoxogos portátiles como a Nintendo DS), o que seguro que agradecen peregrinos, turistas ou xente que queira aproveitar os seus momentos de lecer para consultar o e-mail ou mirar algunha curiosidade na Rede mentres agardan a outra persoa nunha cafetería.
A utilidade do servizo é innegable, e non sei se terán moito uso, pero o certo é que nas cafeterías de cidades nas que anuncian que hai Wi-Fi se nota moito (a cantidade de clientes que aparecen co portátil dá medo).
Para facer máis doada a localización das conexións Wi-Fi melidenses subín un mapa a Google:

Visualizar o mapa ampliado

Gustaríame completar o mapa cos lugares de acceso público (de balde ou de pago) na vila, polo que agradecería comentarios ó respecto. Neste momento coido que hai conexión na Noela, na Fundación e no Vagalume, e cónstame que hai máis locais, pero non sei se continúan a dar tal servizo ós seus clientes.

ACTUALIZACIÓN: Finalmente non vou facer unha listaxe de redes Wi-Fi en Melide porque atopei moitas, case todas privadas, das que as había inseguras, e publicar a súa existencia sería algo comprometido.
Cando digo que hai moitas falo de puntos no centro na vila no que chego a detectar 3 ou 4 redes á vez, o que me dá a entender que a vila está repleta de redes Wi-Fi domésticas (e corporativas).

Durante as fins de semana é doado atopar a auténticos mestres do alcohol, que saben tirar proveito do seu estado cando polas súas veas circula máis viño que sangue, coma o figura que podemos ver no seguinte clip:
Tras ver este vídeo só podo dar un consello: se bebes, non vexas pelis de Jackie Chan

E para os que adoren o tema musical de Mortal Kombat, velaquí unha versión a capella:
Por certo, eu é a primeira vez que vexo que polas rúas hai grupos de cantantes espontáneos.

Cando vexo algunhas cousas na Rede sempre me queda a dúbida de se é de coña ou de verdade. Nesta ocasión coido que máis que de coña é de cona, pois parece que a algún tolo se lle deu por vender frascos de cheiro a vaxina (non é un perfume) a 19,90 euros.
Nun principio os frasquiños se venden pola Internet dende a web de Vulva Original e por aí circulan moitas imaxes promocionais do orixinal produto, así coma un vídeo a xeito de anuncio:
O curioso de todo este conto é que me lembrou ó momento de El Silencio de los Corderos, cando Clarice visita a Hannibal Lecter… e si, falo da versión dobrada que emitiron na TVG. ¿Alguén é quen de replicar a frase literalmente?

A pasada noite recibín unha chamada telefónica sorpresa de Carlos Roma, quen me avisou de que en Gran Hermano acababa de entrar Judit Iglesias, a sexóloga no programa Buffet, que facía Roma en Código TV:

Iso si, a imaxe que máis graza me fixo das que mandamos ós xornais dende Código TV (para que aparecesen xunto á nosa programación no ABC) foi a seguinte:

¡Moito rimos o día que Judit trouxo os preservativos femininos! ¡Iso de ver a Roma cun anel vaxinal na man foi todo un panorama!

A súa entrada na casa de Gran Hermano foi como segue:
Tampouco podo calar o feito de que Judit é algo friki, non só polo seu xeito de vestir, senón porque traballou (non sei se segue alí) nunha empresa de informática (o que lle engade un certo aire geek) e mesmo me crucei con ela no Viñetas desde o Atlántico deste ano.

Admito que o feito de coñecer a alguén de Gran Hermano antes de que entrase na casa era algo que non agardaba, aínda que tampouco é algo que me importe especialmente (non sigo ese tipo de programa directamente, ou sexa, que para volver a ver a Judit na tele terá que facer algo digno de mención en Sé lo que hicisteis). Deséxolle moita sorte no concurso, aínda que a verdade é que preferiría que a súa participación no programa non a cambiase moito, pois era unha persoa comprometida, e todos sabemos cómo cambia a algúns a fama…
Por certo, con Judit, ¿non hai así 3 persoas de Galicia en Gran Hermano? De ser así xa sabemos que ningún vai rematar o concurso aínda que sexa só pola xente que vota en favor dos concursantes da súa terra