A adopción de nenos é algo que normalmente vemos dun xeito errado. Así, hai dúas perspectivas a ter en conta: por unha banda está o cativo sen pais e por outra están os pais que queren ter fillos e non poden. Como estamos nunha sociedade acomodada, tendemos a pensar que as parellas sen fillos teñen dereito a adoptar, pero a realidade é ben diferente, ou sexa, que os necesitados son os rapaciños que non teñen un fogar, e por iso a Indian Association for Promotion of Adoption and Child Welfare chama na súa última campaña publicitaria a adoptar nenos que precisan de cariño coa promesa de que “recibirás máis do que poses dar“.
Un claro exemplo de que o punto de vista é un elemento moi importante á hora de comprender situacións sociais e familiares.

A película de Matrix fixo historia e deu lugar a moitas parodias, como a que protagonizaban os Teleñecos, e agora, grazas a Volatilis redescubro Matrix XP (xa me esquecera do vídeo, pero fíxome graza volver a velo):
En YouTube tamén hai tomas falsas do vídeo que resultan moi simpáticas. Parece mentira que bromear co que pasaría se Matrix funcionase baixo Windows XP dese tanto xogo. ¿Pasará algo semellante co Windows Vista? A verdade é que conceptualmente sería algo semellante ó que pasa co XP, agás que na nova situación o sistema pediría permiso ó usuario en numerosas situacións antes de comezar a película

Agora que se está a celebrar o 90 aniversario do TBO non podemos deixar de lembrar os inventos do profesor Franz de Copenhague que sospeito que inspiraron a última campaña publicitaria da marca de roupa deportiva Freddy que emprega coma lema “make a move make it happen” e amosa distintos xeitos de aproveitar o movemento:

Un curioso sistema de facer zume:

E mesmo unha máquina digna de saír no TBO:

Ademais, esta última máquina se pode ver nun vídeo:

Aínda que a versión masculina do mesmo é un pouco máis movidiña e espectacular:

Con anuncios así coido que prefiro pasar dos programas de televisión

Xa sexa coa radio ou co móbil, empregar música para acordar a diario é algo moi habitual, pero o fabricante de espertadores Philco ten un orixinal xeito de ilustrar o asunto:

Tendo en conta no móbil teño posto como alarma o tema musica de Rasca e Pica… flipo ó pensar que a miña versión do anuncio sería que os populares personaxes dos Simpson estivesen a facerse putadas mentres durmo. A verdade é que sería moi violento erguerse mentres se escoita como un rato fai esbourar a un gato cun cartucho de dinamita, ¿non?

Ó igual que nas campañas da DGT, para deixar de fumar sempre se empregan mensaxes duras e directas ós fumadores, pero de cando en vez se decide innovar, e AOK, a principal aseguradora xermana, quere axudar á xente a deixar ó vicio, para o que fixeron unha web con consellos e trucos para afastarse do tabaco que se promocionou colocando uns pulmóns de vidro (a xeito de cinceiros) en lugares públicos, o que parece que funcionou moi ben, xa que a web anima a converterse en ex-fumador acadou milleiros de visitas. ¡Que cunda o exemplo!

Grazas a Suevo e a Elianinha descubrín un vídeo que puxeron en La Sexta parodiando ó trailer de 300:

Os humoristas gráficos saben atopar o xeito de concienciarnos sobre problemas sociais, coma o que reflicte a masacre na universidade de Virginia Tech nos pasados días, e Daryl Cagle vén de publicar unha escolma das tiras de prensa que mellor souberon tratar o asunto, e das que eu tamén replico algunha:

• Christo Komarnitski (Bulgaria) é un dos moitos ilustradores que denuncia a dobre moral da cidadanía conforme ás proximidade dos acontecementos:
  
• Dick Locher (The Chicago Tribune) emprega ós personaxes de Charles Schulz para dar a súa visión sobre o uso das armas de fogo:
  
• E por suposto, o propio Daryl Cagle tamén se preocupa do tema denunciando a falta de previsión da sociedade norteamericana así como a súa falta de carácter fronte os medios de comunicación, que inflúen de xeito excesivo en cómo ven a vida: