Un reprodutor de 40 gramos de peso cunha pantalla de 1,8 polgadas e cunha autonomía de 7 horas para música e 2,5 horas para vídeo non parece un mal produto, pero lanzar unha edición especial co gallo da vindeira película de Mr. Bean parece unha estratexia comercial desastrosa:

¿Quen mercará un reprodutor co reclamo do home máis zoupón da televisión? Supoño que non repetirán este tipo de pifias, porque sería coma sacar cámaras fotográficas dixitais de Mr. Magoo…

O blog de No puedo creer que lo hayan inventado, no que habitualmente aparecen chismes curiosos, sorprendeume nos pasados días cun par de vídeos moi simpáticos:
-Por unha banda, lembráronme os tempos de Barrio Sésamo cun machuco da Guerra das Galaxias e a canción Manamaná:

-E por outra banda, deron un paso cara á absoluta perversión sexual cun Anti-Kamasutra:

Veña, ¡que alguén se anime a probar as novas posturas amatorias!

A publicidade é un sector que non deixa de sorprenderme polo seu humor e orixinalidade, aínda que hai sutuacións nas que se sitúan no gume do que podería ser aceptable socialmente, como a última campaña de GPSOZ In-Car Navigation, que emprega figuras divinas no salpicadeiro dun coche para “guiarse dende as alturas“, o que me pareceu unha idea moi orixinal. Xa sabedes, na estrada, ou te guías por designios divinos, ou confías nun GPS:

Aparte de a Cristo, nos anuncios de GPSOZ tamén sae o deus favorito de Homer Simpson, Ganesha (coido que o usaba coma disfraz nun episodio e noutra ocasión lle ofrecía cacahuetes para facer burla de Apu):

Ah, e os budistas coma Lisa Simpson ou Richard Gere tampouco se libran:

Eu paso bastante dos sistemas de localización por satélite (sempre me movo polos mesmos sitios) e das imaxes relixiosas, aínda que iso non quita que calquera día merque un Cristo Colega (figura presentada na película Dogma de Kevin Smith na que pretendían modernizar a imaxe da Igrexa coa mesma). Se finalmente merco unha desas figuras, coido que xa teño pensado o lugar no que a colocarei

Actualmente coñécese por youtuber a unha persoa que acada certa sona internacional por mor dun vídeo pendurado na Internet (habitualmente en YouTube) e así tivemos moitos exemplos coma o do mozo que cantaba a canción Numa Numa Dance, os ghichos que botaban caramelos Mentos nas botellas de Coca-Cola Light ou o actor que daba a súa particular versión da historia do baile, e para aproveitar tal éxito, os Barenaked Ladies os convidaron a participar no seu último vídeo musical, que sen dúbida se convertera nun novo éxito en YouTube:

¿Aparecerán clons españois deste vídeo musical? Porque ver no mesmo vídeo ó rapaz do piso de 30 metros e á Terremoto de Alcorcón roubando a silla do escano de ZP podería ser moi friki…

Daniel Radcliffe, o actor que encarna a Harry Potter na pantalla grande, ten xa 17 anos e parece querer arriscar a súa carreira artística interpretando un papel na obra Equus (na que se supón que hai unha escea de sexo a cabalo) e que deu lugar a imaxes coma esta:

Por sorte, e para que o rapaz non pareza que lle vai iso da zoofilia, tamén publicaron outras fotografías:

Queda claro así que o Potter está a medrar, aínda que nun vídeo que atopei na Rede non era precisamente Harry o que medraba: