Adeus a Somos unha potenzia
O programa de Carlos Blanco Somos unha potenzia despediuse da grella da TVG (non sabemos se temporal ou definitivamente) esta semana, aínda que non co nivel doutras entregas previas, e co seu peor horario da historia (comezou á 1:36).
Carlos Blanco comezou entrevistando a Manolo Rivas, nunha entrevista extensa, pero da que non gustei porque Rivas estaba todo o rato nervioso, tremendo… algo que non lle pasou case a ningún dos convidados, que se sentían cómodos nun programa tan de colegas. Estiveron moito mellos as clases pasivas dende o sofá, propondo a realización de botellóns para acabar coa especulación inmobiliaria:
Trala publicidade a Banda en Potenzia completouse coa voz feminina de Najla Farid, que polo menos non foi o rapeo de sempre:
A canción continuou co tradicional monólogo de Carlos Blanco, que nesta ocasión non o soltou ó final do programa:
Estivo moi ben o momento Les Luthiers cando se pon Blanco a imitar acentos, e a carta erótica tamén se saíu do mapa. Tamén haberá que tomar nota das suxestións para cambiar o nome dos pratos tradicionais galegos.
A sección de Desencontros esta semana invadiu un pouco as competencias dos espías, pero resultou bastante orixinal ou, cando menos, friki:
As Rumorosas lembráronnos un momento histórico da televisión (Diana comendo un rato en V) e fixeron un repaso das webs das orquestra galegas:
Esta semana non tivemos monólogo de Carlos Blanco ó final do programa, senón que o programa rematou cunha actuación conxunta de Blanco e Antón Reixa interpretando o tema histórico de Galicia Caníbal (fai un sol de carallo):
A min facíame máis graza o Canibal Galicia (It is so fucking sunny), pero estaba claro que no programa de Blanco non era menester versionar o tema en inglés.
Iso si, souberon pechar moi ben o programa co remate das clases pasivas dende o sofá, que xa se decataron do que lle pasaba á súa tele:
Ai, para unha cousa boa que botaban… ¿qué veremos agora na Galega?
Trackback URL | RSS Feed de comentario | Enlace entrante |
| Compartir
10 comentarios realizados
1. Gafu escrito o 19 de Setembro de 2006 ás 20:03
E eu que me quedei a durmir despois da entrevista a Rivas… Dios, e que con esos horarios. Menos mal que fun lista (por unha vez) e quitei as gafas, porque se non reventabaas. jajaja
2. Marcus escrito o 19 de Setembro de 2006 ás 21:07
Postos a despedir o programa poderían emitilo á hora na que puxeron Wild Wild West, pois así a xente que o seguía podería aguantar esperto… eu admito que deixei a gravar o programa e marchei para a camiña
3. Nemigo escrito o 19 de Setembro de 2006 ás 23:10
pregúntome se agora que na tvg están a plantexarse os refritos de vai anos pensarán en reemitir os programas.
Por certo o banner ise de firefox con google puxéchelo ti ou che enchen o peto por el?
Curiosidade
saúdos
4. Marcus escrito o 20 de Setembro de 2006 ás 1:03
Nemigo, a Potenzia xa se está a repetir en TVG América (como outros vellos programas).
O do banner de Firefox o puxen para probar un pouco o sistema de AdSense de Google. O fixen só por curiosidade (coma “anuncio google” que metín á dereita) para ver se alguén premía na publicidade, pero cartos, o que se di cartos… para sacar cartos desas cousas hai que ter moitísimos milleiros de visitas ó día, e iso só o acadan media ducia de blogs en todo España
5. Pacha escrito o 20 de Setembro de 2006 ás 12:48
Ala… Xa se foi ó carallo á galega..
A vercómo melloran agora pra conseguir audiencia porque sen cousas boas e sen futbol dos sábados… van apañaos..
Tal vez se os nosos amiguetes do Zapping saisen..subía a audiencia coma a escuma
6. Amil escrito o 20 de Setembro de 2006 ás 13:52
Um detalhinho, meu, sim houvo monólogo de Carlos Blanco, passa que nom foi ao final do programa como é habitual. Foi entre a primeira e a segunda entrevista.
E nom entenderei nunca aos directivos da TVG, para um programa bom, com uma audiência boa que têm, vam e o sacam após tê-lo num horário humilhante durante todo o verão… E, por se for pouco, começa de novo Luar com a actuaçom de “La más grande: Isabel Pantoja”… Se cantam mais flamencas no Luar que na televisom andaluza!
Queremos uma televisom galega de verdade. Queremos uma programaçom decente. Queremos ser “unha potenzia” em televisom!
7. Marcus escrito o 20 de Setembro de 2006 ás 14:12
Oh, si, tes razón, fóiseme a pinza ó expresarme. Vexo que tamén me esquecín de subir o vídeo a YouTube, así que agora mesmo o corrixo
8. Moncho Pais escrito o 22 de Setembro de 2006 ás 1:14
Marcus, tiñas que subir todos os programas de “Somos unha Potenzia” ao Emule ou compartilos no SoulSeek. Faríaslle un grande favor á humanidade e aos galegos (nós) en particular. Así tamén os poderíamos gardar con certa calidade para vérmolos cando quixeramos.
Anímaste? É unha mágoa que non se poidan conseguir estas cousas nin tan sequera en DVD porque nin as editan.
Respostas ao meu correo electrónico aureano@gmail.com
Moncho Pais
9. Marcus escrito o 22 de Setembro de 2006 ás 1:41
Moncho, como contaba con que o programa tivese continuidade non se me ocorreu gardar o de cada semana, de xeito que o único que conservo é o que está no YouTube. Menos dá unha pedra.
A verdade é que prefiro ver os fragmentos do programa que os programas enteiros, aínda que de saber que a cousa non ía pasar do verán faría unha recompilación decente.
10. Manuel escrito o 22 de Setembro de 2006 ás 12:55
Coas súas virtudes e os seus defectos, foi do mellor que vin ultimamente na galega. Carlos Blanco segue sendo un crack. Tamén me parecían xeniais os do Emilio, sempre cos seus acertados textos e reflexións. Oxalá voltemos a saber deles… e seguimos sendo unha POTENZIA